كلمات مهرجان هل ستراني صديق لعصام صاصا بتعكس فيها حالة تحدي وسخرية من الناس اللي بتتغير أو بتخون. الأغنية فيها كلام جريء وصريح عن العلاقات اللي بقت صعبة في الزمن ده، وكل كلمة فيها بتوصف إحساس القوة وعدم الاهتمام بآراء الناس. لو نفسك تعيش جو المواجهة وتسمع كلام من القلب، اقرأ الكلمات وحس معاها طاقة المهرجان.
كلمات مهرجان هل ستراني صديق
الفترة الجاية
محتاجة فيتامين ورعاية صحّية
خدوا بالكو شويّة
أنا عايز أخصامي متغذّية
هل ستراني صديق
أم سوف تراني عدوّاً ليك
أنا حقّاً لا أتشرّف بيك
فأنا لا أرى أحداً بصراحة
حرب وعصابات
وبقينا عايشين على كوكب ببجي
خبط وإصابات
والمنحرفين كلمتها بتمشي
مات السلكان
وسطنا مش لاقي مكان
هلفوت وطلعله لسان
بس قصّادي ما تجعجعشي
أصل كلامي اللّي هيمشي
اللّي كرف ع النّت
ده أنتن واحد ع الاسفلت
أنا في جولتي ما لمحتش حدّ
ما شفتش إلّا جراوي بتكرف
الجايات بصراحة
دي ما فيهاش راحة ولا فيها بالرّاحة
أخدت السّاحة مش باقي مساحة
واللّي هيعرف يصرف يصرف
يا اللّي بتنتدب
أنا رقمي معاك أسهل كلّمني
فإلتزم الأدب
ما طالما بتخاف إنّك تنزلي
ما تحضرنيش
بستنّاك وما بتجيش
تاني مرّة ما تندبنيش
وتخلّيني قاعد مستنّي
اخلع ياض واخلف منّي
مش معنى إنّي مسشور
والتّفّاحة في الإيد بتصوّر
يبقى تشوفني غلط ومفرفر
المناظر بأمانة خدّاعة
أصل بجدّ نزاهتي
دي حاجة مختلفة وعكس صياعتي
مالهاش دعوة خالص بجرأتي
كلّه هينبح نبح الطّاعة
الفترة الجاية
محتاجة فيتامين ورعاية صحّية
خدوا بالكو شويّة
أنا عايز أخصامي متغذّية
عايز أبطال
مش جاي أنافس في عيال
كلّها هتجيلي في شوال
لمّا هشاور بإيديّا
كلّها هتجيلي مطاطيّة
عندي في جيهتي أتونة
أوزعة ولسعة لكن مجنونة
كيفي في البلدي ومش في الجونة
دي عباية سمرا بتخطف قلبي
وماليش في الآيلاينر
يكفيني صوبع روج من الأحمر
ويكون عافي ع الشّفة منوّر
أيوة أنا شعبي، بموت في البلدي
أنا هفضل أسد
وعريني هيتشمّع من بعدي
أنا باشا البلد
ولوحدي ما شفتش واحد قدّي
قفلت الفورة
عدّيت فوقكو بمقطورة
أخصامي نفسها مكسورة
أمّا بتيجي قدّامي تهدي
أصل أنا ع الوش بودي
هل ستراني صديق
أم سوف تراني عدوّاً ليك
أنا حقّاً لا أتشرّف بيك
فأنا لا أرى أحداً بصراحة
كلّها وزنها خفّ
ومالهاش قيمة ولا عملة صرف
استخسر فيهم أدفع ألف
ده حتّى وشوشهم كارفة تناحة
ربّنا يكرمني
وأفضل حارقك يا اللّي كارهني
عمّال تحاربني
تتمنّى موتي عشان تورثني
للدّرجة دي غايظك
ولّا عشان أنا مش شايفك
ما أنا يمكن أكون مش عارفك
إيه الأخبار فعليك طمّني
كلّم حدّ يكلّمني
مش عنتر لأ عبلة
الدّخلة دي منك كده مش واكلة
هعمل عادي على وشك حفلة
هنا يا زميلي البقاء للأقوى
هنا لو جيت تتخطّر
وسط فطاحل عادي تتسنطر
والباقي منك يسكن كونتر
ع الإيد مش هتكمّل غلوة
كروان الجيل
ده عصام صاصا بيقول هتعانوا
بابا في توزيعه
كيمو الدّيب يعني انتو تشاهدوا
كلمات كاستلو
ماتادور والكلّ شاهدله
أحلى إدارة في عين كلّه
معاذ وليد وأبو طه رجعوا
التّرند احنا هنحتلّه
مهرجان هل ستراني صديق
Hal Satrani Sadeeq – Essam Sasa
كلمات: كاستلو
توزيع: كيمو الديب
المزيد من أغاني عصام صاصا
سجن الدنيا يهد
أنا شاب شكله بقا أكبر من سنو
أنا صوتي شعار ع الساوند
اسند ضهرك واقعد
حبيبي يا عم