كلمات اغنية جوا مني كركبة للمغني المصري ليل المحمدي بتعبر عن حالة من الحزن والتشتت اللي بيمر بيها. ليل المحمدي بيحكي عن وجعه من القريبين وسرقة السنين لفرحته. الاغنية بتوصف دوشة ودربكة في دماغه وعيونه اللي جفت من البكا، وكل حاجة حلوة ضاعت والحبايب فجأة باعت. اغنية جوا مني كركبة بتعكس مشاعر الألم والضياع اللي بيمر بيها الفنان.
كلمات اغنية جوا مني كركبة ليل المحمدي
جواّ مني كركبة
تفاصيل متشقلبة
عايش ف دنيا متعبة
همّي منسيني ضحكتي
جواّ قلبي سكاكين
وجعي من القريبين
فجأة جريت السنين
وسرقت مني فرحتي
ف دماغي دوشة ودربكة
وعيوني جفت من البكا
قلبي من الهمّ اشتكى
وف كل حلم مليش نصيب
كل حاجة حلوة ضاعت
والحبايب فجأة باعت
كل شيء ف عيني باهت
حتى شكلي بقى غريب
أنا قلبي من الناس اتأذى
قتلوني وبياخدوا العزا
حياتي مش كويسة
ونفسي بس أفرح ف يوم
محبوس ف أوضتي الضيقة
من وجعي نفسي أرتاح بقى
خلاص تعبت من الشقى
وبقيت بنام مقدرش أقوم
إمتى هنسي اللي حصل
حطّولي السمّ ف العسل
إزاي هداوي اللي اتكسر
وازاي هرجع اللي فات
عيشت شايل هم غيري
لحد لما اتهدّ حيلي
وجعوا قلبي ونكروا خيري
أنا نص حي ونص مات
هدّولي كل اللي اتبنى
حتى أنا مبقتش أنا
من عمري عدى كام سنة
مش لاقي برّ أرسى عليه
حتى ملامحي اتغيرت
أحلام كتير اتكسرت
حتى القلب اتبدلت
باعني اللي كنت مشتريه
كلمات اغنية المفروض – ليل المحمدي
اغنية جوا مني كركبة – ليل المحمدي
كلمات: صابر ڤان بيرسي
الحان: ليل المحمدي
توزيع: إسلام ساسو