كلمات اغنية البنات - الأميرة فيروز

كلمات اغنية البنات غناء البلوجر الأميرة فيروز تحتفل بأبو البنات الذي رزق بثلاث بنات صغار يملأن بيته حنان ودلال، فيعيش مطمئن ويقف جنبهم. الأغنية تتمنى له الستر وتعده بفرحهن عندما يكبرن. إليك الكلمات.

كلمات اغنية البنات مكتوبة كاملة

الحلو جالو صُغنون
أمُوره وجميله وكيوت
بنوته آخر العُنقود
شربات والله بَسكوت
بقي عِندو العسَليّات
ده تلاته زي الشّربات
لسه مَشفش الحنيّه
الّلي مخلفش بَنات

أبُو البَنات
يعمَل ما بدَالُو
أبُو البَنات
بقي ظابط حالُو
أبُو البَنات
ياجمَالُو يا جَمَالُو
هيعيش عَمرو ف حنيّه

ربّنا يَسترها عَليه
ويحطّ بَناتُو ف عَنيه
وأمّا هتحتَاجو تلاقيه
جنبها مَنبع رجُوليّه

أبُو البَنات

ولا يُوم هيشيل الهمّ
هيعيش ف حنان الأمّ
الّلي تطبطب وتدلّع
والّلي تملي بتهتَمّ
ده يابَاختو الّلي إحنا ف بَاختو
أنا بَنتو وساعات أختو
وساعات بَبقي أنا صُحبتو
ومشركاه ف مُعظم وقتو

الدّنيا هتضحك لِيه
نَدعِيلو الله يخلّيه
ربّنا يَسترها عَليه
شُوفو قَلبنا ساكن فِيه

أبُو البَنات

ده تلاته سُكّرها زيَاده
هيخلّو حيَاتُو سعَاده
مهما الدّنيا تضيق بِيه
بحنَانهم بقي يتراضِي
وأمّا هيكبر ويَعجز
ده عَليهم بقي يتعكّز
هيعاملوه أحلا مُعامله
وهيهتمّو بيه كويّس

وأهو بُكرا بقي يجوزهم
يفرح ويشيل ف عيَالهم
ويكون مَبسُوط بقي أكتر
كُل أمّا يشوف ضِحكتهم