اغنية فعلا مبيتنسيش ديو يجمع بين تامر حسني ورامي صبري بتحكي عن الندم على فقدان شخص مهم في الحياة. بيوصف ازاي كان أناني وجرح الشخص اللي كان بيحبه، وإن ضميره مش مرتاح بسبب اللي حصل. بيحكي عن محاولاته للتعايش مع الفراق والفشل في نسيانه، وإن حياته وقفت بعد الفراق. اغنية فعلا مبيتنسيش بتركز على الألم والندم والشعور بالذنب والحسرة. اليكم الكلمات مكتوبة وكاملة.
كلمات اغنية فعلا مبيتنسيش تامر حسني ورامي صبري
كان عَقلي فين مني زَمان أنا جيت أوي عليه
قفلت أنا كل البيبان بينا بعمايلي فيه
فَرطت فيه بإيديا أنا أذيته طول السِنين
وجالي قلب إزاي كده والقَسوة جاتلي منين
ضَميري مش مُرتاح عشان ضَيعته بأيديا
أناني كنت وهو كان باقي عليا
أنا اللي ألف مَرة خان ولا عاب في يوم فيا
فِعلاً مابيتنسيش
وحاولت أتعايش بفَشل واقفة حياتي ومش بعيش
وبكابر عامل قادر
وإن فِراقه مهزنيش وأنا تايه في الحَياة
وقفت بيا خلاص الحَياة ومشوفتش بعده خَير
كان هَمي أبان للناس تَمام وأنا فالنفس الأخير
إحساسي بذَنبه مارحش يوم ومفيش سِكة لرجوع
على نَفسي كتير بعتب وألوم على ظُلمي ليه مَوجوع
في غيري دلوقتي مَعاه وبقيت أنا ماضي
وجُرحه حد أكيد دَواه وزمانه عاش عادي
أنا إتجاحدت كتير مَعاه وهو كان راضي
اغنية فعلا مبيتنسيش – تامر حسني ورامي صبري
Tamer Hosny & Ramy Sabry – Fealan Mabyetneseesh
كلمات: عمرو تيام
ألحان: شادي حسن
توزيع: طارق توكل
المزيد من أغاني تامر حسني ورامي صبري
كلمات اغنية يا نهار ابيض – تامر حسني
كلمات اغنية جامدين جامدين – تامر حسني
كلمات اغنية فيها ايه – رامي صبري
كلمات اغنية كداب – رامي صبري
كلمات اغنية كنا معديين – رامي صبري