كلمات شيلة فنجال التحدي والله لاشربه للفنان السعودي جفران بن هضبان بتوضح إزاي الفنان بيستمد قوته من تراثه وأصله وبتبرز فخره بقبيلته وإنجازاتها. الكلمات بتجمع بين الفخر والشجاعة وبتعكس روح التحدي اللي بتميز الشاعر. شيلة فنجال التحدي والله لاشربه مثال حي على الشعر النبطي اللي بيحكي عن موروثات القبائل العربية.
كلمات شيلة فنجال التحدي والله لاشربه
على إذنكم يا معشر السمار ساعة ساعتين
أبّي مكانٍ ما يجي حوله رسّال وكهربه
كنّ الصدر في داخله غزوه مثل غزوة حنين
أسمع صليل سيوف وصهيل الخيول المنجبه
تسببت في ضيقة الخاطر وقطع الأكسجين
لكن فنجال التحدّي والله إنّي لشربه
تقادح أفكاري مثل قدحة رصاص المارتين
والبيت يشبه طلقة العبرود لا جيت أكتبه
إليا سبكت البيت صار أرسا من الحرز المكين
ما يعتليه إلا السحايب والنجوم المرقبه
واثق بشعري والثناء لله رب العالمين
معطيني الله شعرٍ مجمل وعرف وموهبه
حنا هل الشعر الحقيقي كل وقت وكل حين
وعزومنا تخلّي الجبال السود مثل الدبدبه
موروثنا الشامخ نفاخر به على مر السنين
وكلٍ يماري في تواريخه ومجده وعربه
واليوم في مزاين عطايا الله مهجرعة الحنين
ياهل البل اللي ما انتبه نصيحتي له ينتبه
جاكم من العتبان راس أصوك وجنبٍ مايلين
يبي يجيله وقعن تشيب الصوابر بسببه
غازي بن ربيع هذا نجمن تعلّى الفرقدين
المجد هذا نجمه الساطع وهذا كوكبه
غازي بن ربيع سوات السيف والضلع الزبين
في كل يوم بفعله الذرب يترقى مرتبه
منصى بني عمه وبيته مدهلن للطيبين
المدح ضيف وغازي ربيع تراه معزبه
مدات جوده ما تشابه غير همال الغشين
وفي الفعل كنّه طارق بن زياد فاتح قرطبه
يبو النصر يا معقل الأمداج يا ذرب اليمين
في ذمتي مالك مع أقرانك وصيف ولا شبه
مطنوخ ومعرّب ولك رايه ولك رأيٍ ثمين
مستوليٍ كون الفخر من مشرقه لا مغربه
على شداد العز في طاله وفي دنيا ودين
دامك من عتيبه هل الأمجاد والربع ذيبه
حواتم الهيلا صروح الطيب والحصن الحصين
أخذوا من المدح أجزله وأخذوا من المجد أطيبه
يا خيل الشقحاء تقدم وادحم بجنبٍ متين
ترى المنافس داخله ربكه وخوف وذبذبه
شقح النصر جمهورها يوم الوعد مترقبين
مثل هلال العيد يوم إن الخلايق ترقبه
ارهج بها الميدان ثم ناد الخصم حتى يبين
وكرّر عليه الكلمة اللي تقطعه من مكسبه
حنا ترانا الله يرضى لي عليك الأولين
في الجود والبل والنباء والشعر نظم وملعبه
وبشر بجمهورك هل الصمله كعام المعتدين
ترى الحميا في بني عمك سوات الموجبه
قومن من العارض ليا الحرّة كفو ومهيمنين
سيلٍ عرمرم يقدر يشيل الجبل شيل خشبه
مال المعادي عندنا إلا خزم خشم ولطم عين
هذي عتيبه والحمايا ما هي بمستغربه
كلمات شيلة يالبيه يالعاصوف – جفران بن هضبان
شيلة فنجال التحدي والله لاشربه
كلمات: عبدالعزيز الوذياني