كلمات اغنية النهايات للفنانة الجميلة بسمه عطا بتحكي عن الألم والخيانة بعد الفراق. بتحكي عن واحدة كانت بتثق بحبيبها لدرجة العمى وبتمشي ورا كلامه دايمًا. لما اكتشفت خداعه حسّت بوجع شديد، بس في نفس الوقت فرحت إنها شافته بيعاني زيها بعد الفراق.
كلمات اغنية النهايات بسمه عطا
ده أنا فتحت عيّنيا عليك
عشت الدنيا حسب ما تشوف
بمشي الخطوة بخط إيديك
بصيت عينك ترعب خوف
عمري ما كنت أتجرأ أقول
عكس كلامك وأرفض أمر
كل اللي بيتقال مقبول
كله اتشال جوايا ومر
وادي النهايات اللي معاك واصلاها
نهاية وازاي أتخطاها
بدايات خدعاني فيك وراها مشيت
أشوف فيك نفس اللي أنا عايشاه
وأفرح فيك وانت عايش معاناه
بدعي عليك من اللي بقيت حسّاه اتهديت
كنت بتديني الحنيّة
وعارف بردو توقف إمتى
عايشتني إدمان الحالة
علاجي ومرضي واحد هو إنت
طفلة بترسم لسّه طريقها
تخبط فيك ما تشوفش بدالك
مسكت إيدك فتغرقها
عديت إنت ولا على بالك
وادي النهايات اللي معاك واصلاها
نهاية وازاي أتخطاها
بدايات خدعاني فيك وراها مشيت
أشوف فيك نفس اللي أنا عايشاه
وأفرح فيك وانت عايش معاناه
بدعي عليك من اللي بقيت حسّاه اتهديت
إنت مشيت روحت وعشت وعادي
أمر بسيط دوستني للدرجة دي
واتحطيت في خانة المرّة دي كدّاب
يلا دروس وألف غيري حكوهالي
كنت كابوس شوفتك حلم وغالي
هوّنت عليك الوجعة دي تسيبهالي عذاب
اغنية النهايات – بسمه عطا
Bassma Atta – El Nehayat
كلمات والحان: مصطفى شكري
توزيع: احمد امين
المزيد من أغاني بسمة عطا
كلمات اغنية بين يوم والتاني – بسمه عطا