كلمات اغنية الجاي بتاعي لـ حودة بندق بتحكي عن القوة والتحدي بأسلوب شعبي مليان جرأة. الأغنية بتعبر عن واحد واثق في نفسه، بيواجه أي حد يقف قدامه، وكأنها رسالة لكل المنافسين إنه هو الأقوى ومحدش يقدر عليه. اغنية الجاي بتاعي بتحسسك بالهيبة والثقة اللي بتخليك تتحمس وانت بتسمعها.
كلمات اغنية الجاي بتاعي حودة بندق
هو إنت مين فكّرني بيك
اسمك إيه عشان ناسيك
ياض مهما روحت مهما جيت
هفضل يا واد تقيل عليك
لو جاي ف سيط أمرك بسيط
اعذرني لو لعبت بيك
أصلك طري وعضمك خفيف
حوش الصفار باين عليك
كل اللّي فات مسكّنات
والجاي عايز دبّابات
يابني احنا لسّه ع الثبات
عشان ملوك فوق راسنا تاج
ملناش كبير احنا الكبار
طالعين لفوق زي الدولار
معلّمين ف أي كار
أمّا إنتوا في منكم كتار
اهدوا مالوش داعي
دا الجاي بتاعي
مش جاية بواسطة
جبتها بدراعي
الناس حباني
في قبول ربّاني
أنا شيء مش عادي
يخربيت جمداني
من يومنا واحنا معلّمين
دا برغم أنف الحاقدين
سابقين عشان مميّزين
مالناش شبه مالناش بديل
الصحّة فل وعال العال
أبطال ميشغلناش عيال
فارقين عن كلّه ياض عشان
تقال تقال على التقال
قبل اما بس تقول يا نكش
هو إنت فين مشوفتلكش
ملكش فيها ياض بجد
بلاش يا واد تعملي وحش
متجيش معانا عشان مفيش
روح عشان متتأذيش
احنا الخطر خطر عليك
منهبش لو قصادنا جيش
جرّب تنافسنا
هتشوف تنفيزنا
دا اللّي مميّزنا
إن احنا كاريزما
سابقين كالعادة
جامدين بزيادة
سايقين بهوانا
ومحدّش عدانا
منهبش حد أو نخاف
واحد منّا بسبع تلاف
من غير ما نقول الكل شاف
هنا الكلام على اختلاف
صدّقني الروس متتساواش
سعرنا غالي إنتوا ببلاش
وفّر ريأكشن الاندهاش
عشان لسّه التقيل مجاش
بنغيب نغيب لكن نعود
بتكن ياض كل القرود
ورثنا هيبة الأسود
دمنا أحمى م البارود
قلبي أبيض بس اللّي يخيب
ف ثانية يتعامل غريب
أنا حقّي باخده مش بسيب
ماليش كاسر ماليش كبير
أنا جامد جدّاً
أباً عن جدّاً
تندب مين ياسطى
يابني إنت بتحلم
طول ما أنا ياض فيها
مالكوش حاجة فيها
أنا عم الجيهة
والبلد واللّي فيها
اغنية الجاي بتاعي – حودة بندق
Houda Bondok – El Gay bta3y
كلمات: حسين خالد
توزيع: خضري
ألحان: هدى
المزيد من أغاني حودة بندق
كنت فاكرك
انتو مجتوش
ابطالها
كله بألف وش
اسلك