كلمات اغنية الجو جميل للفنان محمود التركي من ألبوم قصة حب بتعبر عن حالة فرح وهدوء، الأغنية رومانسية بتحكي عن لحظات السعادة والاستمتاع بالتفاصيل الصغيرة زي القهوة والجو الحلو، محمود التركي بيوصف احساس الراحة والتفاؤل بطريقة تجذب أي حد بيدور على البهجة، يلا نشوف كلمات “الجو جميل” كاملة ومكتوبة.
كلمات اغنية الجو جميل لـ محمود التركي
الجوّ جميل
قاعد وبغنّي يا ليل
ما أنا ببدع ف المواويل
أوّل ما بكون فرحان
الجوّ جميل
والدّنيا مساء الخير
قهوتي وأنا والتّفاصيل
حلوين سوا كلّه تمام
مبسوط مبسوط
والمود هادي ومظبوط
مش فاكر حاجة تزعّل
عامل للحزن مِيوت
يا سلام يا سلام
دي الدّنيا عليها أيّام
حلوة وبتفرّح فعلاً
وتنسّي الحزن كمان
الجوّ جميل
قاعد وبغنّي يا ليل
ما أنا ببدع ف المواويل
أوّل ما بكون فرحان
هنسى العناوين
وهسيب قلبي يمشيني
ما أنا يامّه جرحته ياعيني
دوّقته المُرّ زمان
هفصل ساعتين
عن كلّ النّاس وهروّق
هركب عربيّتي واسوق
وهروح على أيّ مكان
مرتاح مرتاح
من أيّ هموم وجراح
ولا حاجة تأثّر فيّا
اليوم ده هعيشه أفراح
حلوين حلوين
النّاس ف الدّنيا نوعين
ناس رايقة وناس دراميّة
وأنا م النّاس الرّايقين
على شطّ النّيل
قاعد وبغنّي يا ليل
ما أنا ببدع ف المواويل
أوّل ما بكون فرحان
اغنية الجو جميل – محمود التركي
El Gaw Gameel – Mahmoud Al Turky
كلمات: محمد شافعي
الحان: محمود التركي
توزيع: علي روني
المزيد من أغاني محمود التركي
سور القلعة
تخرب كل الوضعية
خيالي
قصة حب
اللبوة