كلمات شيلة طلة العيد لبدر بنيدر تعكس أجواء الفرح والبهجة بقدوم العيد، حيث تتجلى فيها مشاعر الشوق والترحيب بهذه المناسبة. القصيدة تحتفي بالكرم والوفاء بين الأهل والأصدقاء، وتؤكد على مكانة العيد في لمّ الشمل وإحياء العادات الأصيلة. تتزين الأبيات بروح الفخر والانتماء، مما يجعلها مثالية للاحتفال وإضفاء البهجة في الأعياد.
كلمات شيلة طلة العيد لـ بدر بنيدر
ليت كلّ اللّيال أعياد و أهله
من غلا العيد لا اقبل فايحٍ طيبه
المشاعر مزونٍ غُرّ منهلّه
مع هلالٍ قبل يطلع نحيّيبه
طلّة العيد ماتشبه ولا طلّه
لا سلمنا من الوقت وعواقيبه
انترّقب هلاله وانتعيّن له
من كثر شوقنا واللّه لايبطيبه
الرّفيق الكفو مانقدر انزلّه
مالنا عن وجيه الرّبع تجنيبه
عندنا تمّ ماهي عندنا لِلّه
سلمنا مانجيه الشّكّ والرّيبه
ياعتيبه ياطيب العيد في حِلّه
عادت اعيادكم ياربعي عتيبه
أنتم العيد كلّه و الفرح كلّه
عيدّوا وافرحوا و العيد ياطيبه
أشهد إنّ العياد اتزّين الحلّه
والوفاء والكرم ربعي معازيبه
مِلْ قلبٍ تحرّا العيد يا ملّه
كنّه الغايب اللّي طوّل الغيبه
فوحة العود تسبق فوحة الدّلّه
والمباني عليها العزّ و الهيبه
صبّوا اللّي شذاها يبري العلّه
كلّ فنجال معه الفين ترحيبه
حيّ فنجالٍ أشقر يبري العلّه
من يمين الرّفيق اللّي نماريبه
العتيبي يعقد الرآي و أيحلّه
لا لقى الغاليه ماقال كم هيبه
لابةٍ مانعرف الخوف والذّلّه
مانشوف الصّعيبه حاجة صعيبه
كلّ شيٍ نفكّر فيه نحتلّه
لا بغينا نجيبه يعني انجيبه
ماتريد الفعول شهود وأدلّه
كلّ فعلٍ يعزّ الرّاس نرهيبه
أهل الحقّ وأهل الدّين والملهً
نكرم الضّيف و نكمّل مواجيبه
لاقضبنا نصاب السّيف أبو سلّه
مانردّه قبل نِلحم مضاريبه
كلّ بيتٍ يعيش العزّ في ظلّه
لا رفعنا عموده شدّ أطانيبه
شيلة طلة العيد – بدر بنيدر
Badr Bnider – Eid look
كلمات: عيضه الثبيتي
توزيع: عبدالرحمن الشهري
المزيد من شيلات بدر بنيدر
كلمات شيلة انتظرتك – بدر بنيدر
كلمات شيلة ليتها تدري بدر بنيدر
كلمات شيلة البدر – بدر بنيدر
كلمات شيلة اطمع بشوفك – بدر بنيدر