كلمات اغنية إبقى قوللي غناء محمد كيلاني بتحكي عن غيرة بعد فراق، وبيواجه حبيبها بحقيقة انها مش راجعة وبتكلم غيره، وبيسأله يوصف وجعه لما يتخيلها مع حد تاني ويفوق على الحقيقة. والآن إليك كلمات إبقى قوللي كاملة.
كلمات اغنية إبقى قوللي مكتوبة كاملة
إبقى قوللى واوصفلى غيرتك لما تتخيل حبيبتك
رايحه تتأسف لغَيرك وتوعده ماتجيبش سيرتك
إبقى قوللى واوصفلى حالك واللى بتشوفه ف خَيالك
وأنت متخيلها جنبه .. حزنت ليه؟ استنا مالك؟
لما تفضل تقول دى جايه وأنت أصْلا مش ف بالها
لما يعجب بيها وهى لابسه حَاجه جيبتهالها
لما فجأه تقول لقَلْبك أنت ليه زعلان عليها؟
أنت يعني مُحتاج يجيلك حد يحكيلك ماضيها؟
لما تبعت ميت رساله عُشْمان تفكرها بوعودها
وماتلاقيش ولا رد طَبْعا خايفه تتجاوز حدودها
لما تسْأل حتى نفسك هى كده مِش راجعه تانى؟
هو راح فين اللى بينكوا ؟! هو فِعْلا خد مكاني؟
تبقى كاره اللى صَارحك واللى واجهك بالحقيقه
أنت ياما دافعت عَنْها وهى فعلا مش برينه
لما تتَعذب وهى عارفه ولا فارق معاها
ساعتها يأْسك يغلب أملك خلاص مَالكش مكان جواها
اغنية إبقى قوللي – محمد كيلاني
Mohamed Kelany – Eb2a Oly
كلمات: بهاء الدين محمد
ألحان: عزيز الشافعي
توزيع: أحمد عادل
سنة الإصدار: 2026
أغاني أخرى لـ محمد كيلاني
يفك النحس – محمد كيلاني
الوقت الحلو – محمد كيلاني
القلب الابيض – محمد كيلاني