كلمات اغنية دنيا وقلابة لـ مصطفى كامل بتعبر عن لحظة صحوة بعد خيبة، وقرار نهائي بإنهاء علاقة ماجبتش غير الوجع. بأسلوب حاد وصريح، بيواجه الفنان الخيانة والخذلان من غير ما يبرر، وكأن الندم ما بقاش له مطرح. الأغنية من نوع المواجهة والقوة، وفيها رسائل لكل اللي باع. اقرأ كلمات اغنية دنيا وقلابة مكتوبة وكاملة وتعرف على تفاصيلها.
كلمات اغنية دنيا وقلابة لـ مصطفى كامل
فتحت عينيَّا إلّي إتغمّت
أنا بعتك والليلة إتلمّت
موضوعنا أكيد مش هيطول
بالباطل كنت بترميني
عمّال تجرحني وتأذيني
ومبيّت نيّة من الأوّل
خد بالك دنيا وقلّابة
وإفرح باللمّة الكدّابة
ماهو كلّ رخيص حواليه زحمة
إرتحت وشيلتك من بالي
وحبّك مات بالنسبالي
ميجوزش عليه إلّا الرحمة
أنا مش هتأثّر بدموعك
أنا همشي وهقفل موضوعك
علشان حواراتك مفهومة
هنساك ومعايا أكيد عذري
أصل اللّي بيسقط من نظري
صدّقني ما بتقوملوش قومة
كلّ اللّي عملته بيتحوش
من إمتى بهدّد وبهوش
جه الوقت تجرّب أفعالي
أنا حقّي هيرجع في الدنيا
وأنا حاطط رجل على التانية
والغلطة تمنها عليك غالي
اغنية دنيا وقلابة – مصطفى كامل
Mostafa Kamel – Donia We 2laba
كلمات: مودى نبيل
الحان: فارس فهمى
توزيع: أحمد امين
المزيد من أغاني مصطفى كامل
حب مين
كتاب مفتوح
قولولي مبروك
العيب عليا
وانا بتفرج