كلمات اغنية دهب للفنان مصطفى حجاج بتعبر عن خيبة الأمل وبتوضح إن مش كل حاجة بتلمع تبقى ذهب والدنيا مليانة خبطات وألم. الأغنية بتعبر عن الإحساس بالظلم والتعب من الناس اللي بتخدع وإن الحياة مش دايمًا عادلة وفيها خليط من الألم والخيبة والواقعية.
كلمات اغنية دهب مصطفى حجاج
مش كلّ حاجة بتلمع تطلع دهب خالص
على فكرة ممكن أصلا ماتبقاش دهب خالص
وأنا لو هحاسب النّاس على اللّى اتعمل فيّا
هنتحاسب ميّة سنة علشان يبقى الحساب خالص
كتر خيرك يا دنيا على اللّى انت بتعمليه
جمايلك غرقتني مش عارف أقولك إيه
كلّ يوم ميّة ألف خبطة توجع أكتر من الرّصاص
مفترية وعايزة ظبطة ماشية معوّج من الأساس
واخدة كلّه عاطل في باطل ابن ندل على ابن ناس
عمّال أتألّم كلّ ألم بيلسع في الوشوش
كلّ ما أحلم حلم وأبني برضو بصحى مابلقهوش
عمري ضاع وأنا لسّه بسأل عشته ولّا ماعشتهوش
ع الحبال بتلعبينا وليل نهار حاطّة علينا
وعشان نرضيكي مشينا ع العجين مانلخبطوش
وياريته عاجب وراضية وقاضية ورا منها قاضية
انتي ليه بالظّلم بادية ودايسة ع اللّي مايتداسوش
كلّ يوم ميّة ألف خبطة توجع أكتر من الرّصاص
مفترية وعايزة ظبطة ماشية معوّج من الأساس
واخدة كلّه عاطل في باطل ابن ندل على ابن ناس
عمّال أتألّم كلّ ألم بيلسع في الوشوش
اغنية دهب – مصطفى حجاج
Moustafa Hagag – Dahab
كلمات: ملاك عادل
الحان: مادي
توزيع: وليد شراقي
المزيد من أغاني مصطفى حجاج
كلمات اغنية الناس غدارة – مصطفى حجاج
كلمات اغنية روح – مصطفى حجاج
كلمات اغنية عملنا قيمة – مصطفى حجاج
كلمات اغنية غربلت البر كله – مصطفى حجاج