كلمات اغنية ده سكر للفنانة المصرية مريم ابو حجر بتتكلم عن لحظة اللقاء الأولى بين الحبايب، وازاي الحبيب بيخطف القلب وبيخليه مطمن وسعيد. الاغنية فيها إيقاع مميز وكلماتها بتعبر عن مشاعر الانبهار والإعجاب الشديد بالحبيب. مريم ابو حجر قدرت توصل مشاعر الحب بطريقة بسيطة وواقعية. اليكم كلمات ده سكر مكتوبة وكاملة.
كلمات اغنية ده سكر مريم ابو حجر
فتحت عينيّا عليه فجأة ولقيته جاي
قلبي أمّا لقاه بقي مطمن معرفش ازاي
في حدّ بيسرق قلب ويجري في عزّ نهار
مهو يعني سرق قلبي بمزاجه وقلبي اختار
ما السكّر سكّر مش محتاجه حاجة تحلّيه
وحبيبي مفيش قبله ده كاريزما ولا بعديه
أوّل ما يعدّي عليّا في ثانية انا قلبي يدقّ
ده قراري الصحّ اللي اخدته وثبّت عليه
ده عيونه خدتني وغيره مفيش كده قدّامي
الدايرة قفّلها عليه ومفيش غيره أنا عاوزاه
ما هو بعد الأحلى مفيش ولا حلو أنا هتمنّاه
ما طبيعي أنهار وأعلن قدّامه استسلامي
ما السكّر سكّر مش محتاجه حاجة تحلّيه
وحبيبي مفيش قبله ده كاريزما ولا بعديه
أوّل ما يعدّي عليّا في ثانية انا قلبي يدقّ
ده قراري الصحّ اللي اخدته وثبّت عليه
اغنية ده سكر – مريم ابو حجر
Mariam Abou Hagar – DAH ELSUKKAR
كلمات: مي سيد
الحان: محمود صلاح
توزيع: خالد عريني