كلمات اغنية كيوت غناء نوال الزغبي بتحكي عن بنت شاكه في حبيبها، قدامها عامل نفسه هادي وكيوت لكن بره شخص تاني خالص. بتواجهه بتناقضاته وبتقوله تثبتلي حبك بدل ما تفضل تضحك عليا. وفيما يلي كلمات اغنية نوال الزغبي كيوت كاملة.
كلمات اغنية كيوت مكتوبة كاملة
الله ما أنت بتتكلم أهو وعمال تضْحك وكيوت
امال ليه وأنت مَعايا بحسّ أن لسانك مربوط
ولا الناس يعني كَلامهم بس يخليك مَبسوط
دلوقت السهر إحلوّ وحابب الجوّ كمان يا سَلام
وانا كُلّ ما قولك نَسْهر برّة تقول من بدري بنام
طب بص بقا ف ساعتك دلوقت وقولي مَعاك كام
هتقولي إنك حبتني ثبتنى ياواد ثبتنى
منا واحدة خلاص بتصَدّق أيّ كلام حلو بيتقال
هتقولي خلاص عَدّيها
إزاي وإنت مقضيها
كل ده نايمة على وداني وفيه إيه تاني كَمان متشال
هتفكر بس ف مين وأنا راسي اخْبطها كمان في الحيط
مالقاعدة مع الحلوين ليها طَعم وبتنسيك البيت
وتقولي مليش في الرقص ونازل هنا رقص وتنطيط
فين اللي بيبقا قصادي واقف هادي طيب وخجول
ياما تحت السَّاهي دواهي صَحيح والله اطلع من دول
وانا أقول ليه ف التوقيت ده
برنّ عليك دايما مَشغول
اغنية كيوت – نوال الزغبي
Nawal El Zoghbi – Cute
كلمات: محمد الجمال
ألحان: مايكل صفوت
توزيع: عمرو الخضري
سنة الإصدار: 2026
أغاني أخرى لـ نوال الزغبي
حب وتفاصيله لـ نوال الزغبي
إنت مين لـ نوال الزغبي
الله كبير لـ نوال الزغبي
كان ليك وحشة لـ نوال الزغبي
وقت الشدة – نوال الزغبي