كلمات اغنية برج الروقان غناء احمد سعد وابلة فاهيتا في برنامج بيت السعد الاغنية بتتكلم عن مواليد برج الروقان اللي دماغهم دايمًا سابقة وعايشين بحب الفصلان وبتوضح إنهم مش بيهتموا بأي حاجة ومش بيحبوا الروتين. اغنية برج الروقان بتتكلم عن حبهم للهدوء وعدم السماح لأي حد يكسر مجاديفهم. حياتهم مليانة كاريزما وحضور وبيعيشوا على كيفهم وبشروطهم.
كلمات اغنية برج الروقان احمد سعد
مواليد برج الروَّقان
ودماغي من الآخر سابْقَه
عايشَه بحب الفَصلان
ومعنديش ولا حاجه فارْقَة
ليفل الوحش أنا قفلتُه
وصاحبت الليل وسهرتُه
ومعنديش أي روتين علشان مبحبش ست
مواليد برج الروَّقان
مصاحِبش غير ناس حبَّاها
ولا عمري أروح في مكان
غير لو فيه حاجه أنا حسَّاها
تنكَه والسر في تقلي
روَّقان الدنيا لازق لي
الناس بيمرَّنوا عضلاتهم
وأنا بمرَّن أنا عقلي
وعلى الرايق أنا بكيفي
مش بدي لحد فرصه يكسَّر مجاديفي
بحبني موت وكدا مبسوط
والبال رايق
وعلى الرايق وبشروطي
حياتي لا يعلي فيها صوت عن صوتي
أنا بعشق الهدوء
ومحبش حد يسوق
طول ما أنا سايق
مواليد برج الروَّقان
ودماغي في حتَّه لوحديها
ولو الدنيا مورستان
بمزاجي أجيبها وأودِّيها
كاريزما وليا حضوري
ومبستناش أنا دوري
داخله عالدنيا بصدر أظبطها وورايا جمهوري
وعلى الرايق أنا بكيفي
مش بدي لحد فرصه يكسَّر مجاديفي
بحبني موت وكدا مبسوط
والبال رايق
وعلى الرايق وبشروطي
حياتي لا يعلي فيها صوت عن صوتي
أنا بعشق الهدوء
ومحبش حد يسوق
طول ما أنا سايق
كلمات اغنية هتجنن منه – احمد سعد ومي عمر
اغنية برج الروقان – احمد سعد
كلمات: محمد حسن النجار
الحان: محمد يحيى
توزيع: أماضيو