كلمات اغنية بطلت طيبه للفنان المصري لؤي بتتكلم عن وجع وخيبة من حب الناس والاهتمام بيهم. الفنان بيحكي عن تعب قلبه ومعاناته إنه يكون دايمًا قوي وسند للناس وهو محتاج حد يقف جنبه. اغنية بطلت طيبه مليانة ألم وتعب وبسبب طيبته الزايدة قرر إنه يبطل طيبه ويبقى قاسي.
كلمات اغنية بطلت طيبه لؤي
مليت أوزّع حب ع البشر كافة
كفتهم اللي تطب وكفّتي خافة
مليت ادفي الناس وأنا عايز اتدفى
طول عمري بدي وعمري ما خدت غير كسفة
مليت أداري دموعي وأبيّن القوة
وأقول تمام وأنا شايل هم من جوّه
بصلح في حال الناس وأنا حالي مش هو
وياريتني بسمع منهم كلمة حلوة
مليت أعيش للناس ولروحي أكون ناسي
وأراعي ١٠٠ إحساس ويدوسوا إحساسي
بطّلت طيبة خلاص قرّرت أكون قاسي
ونفسي من دلوقتي أشيلها فوق راسي
أنا من النهارده نويت أكون واحد تاني
هرمي ورايا كل حاجة تعباني
عملت ياما وهما عملوا إيه عشاني
ومن وراهم ولا أي خير جاني
ما احتجتهمش في حاجة ولاقيت واحد منهم
ويارب ما تحوجني ليهم ولا لغيرهم
كبّرتهم وعليت في مقدارهم
وزي ما عاليتهم هصغّرهم
كلمات اغنية هنسوق الجنان – لؤي
اغنية بطلت طيبه – لؤي
Loai – Batalt Teeba
كلمات: حسام سعيد
ألحان وتوزيع: إسلام رفعت