كلمات اغنية بختي مايل غناء احمد السويسي وساسو بتتكلم عن خيبة الأمل والخذلان من الناس القريبين، وبتعبر عن قرار البطل إنه يبعد عن كل اللي أذوه ويبدأ حياة جديدة. اغنية بختي مايل بتركز على الشعور بالغدر من الأصدقاء والأحباب والرغبة في التخلص من الأوجاع والعيش بسلام.
كلمات اغنية بختي مايل احمد السويسي
بقلب وادوّر وبسرح وافكّر فى عمرى اللى ضاع
بشوف المشاهد واركّز وشاهد بفتكر جراح
يابا الطيابة سذاجة وخيابة جابتلى صداع
قلبى اللى صافى ده شيّل كتافى كتير أوجاع
مين اللى جاى عاوز يموت
انتو Fake وطلق بس صوت
احنا حضّرنالكم التابوت
قلّه كلّه يلزم السكوت
ظبّطت حالى وعيشت بخيالى مبقاش فى بالى خلاص اللى راح
هبيع اللى بعنى ده قلبى وجّعنى ماهو مين نفعنى فى وقت الجراح
الفين سلامة يا عشرة ندامة لو ليكوا كرامة من تانى متجوش
شطّبت محبّة خلّصت مودّة انا قلبى صفا من كتر الوشوش
بختى مايل من الزمايل
مافيش جمايل خلاص مافيش
مـ الحبايب ملقتش نايب
طلعت خايب ومحبّونيش
الحبّ لعبة صدّقنى صعبة
آخرها كدبة يا كدّابين
أصيل مأصّل لازم هتخسر
منهم احذر دول تعابين
جدعنتى غلطة يا صحبة أوطة مقامكوا كاشات
خلّيكوا فى حالكوا انا مـ النهاردة ماليش اخوات
ياما قدّرت فـ الآخر خسرت كتير اللى فات
العشم قتلكوا ماتفوقوا لحالكوا العشم ده مات
مين كان فى يوم جدع معايا
ليه عملتولى الف حكاية
فين اللى كان واقف ورايا
بقيت بكلّم نفسى فى المراية
ظبّطت حالى وعيشت بخيالى مبقاش فى بالى خلاص اللى راح
هبيع اللى بعنى ده قلبى وجّعنى ماهو مين نفعنى فى وقت الجراح
الفين سلامة يا عشرة ندامة لو ليكوا كرامة من تانى متجوش
شطّبت محبّة خلّصت مودّة انا قلبى صفا من كتر الوشوش
تفاصيل اغنية بختي مايل – احمد السويسي
Ahmed El Seweasy & Saso – Bakhty Mayel
كلمات: أحمد الجوكر
الحان: السويسي و ساسو
توزيع: ساسو
المزيد من أغاني احمد السويسي
كلمات اغنية دايرة ودوارة – احمد السويسي
كلمات اغنية شاغل بالك – احمد السويسي وساسو
كلمات اغنية كل اللي وجعك – احمد السويسي