كلمات اغنية بعلن الانسحاب

كلمات اغنية بعلن الانسحاب للفنان كريم محسن يفتح بها دفاتر الخذلان من شريك غادر وناكر للجميل، بعدما ملأ قلبه بالخوف وسرق سنوات عمره، لتأتي أغنية بعلن الانسحاب من ألبوم ابن الناس كرسالة عتاب حاسمة تنهي هذا الأذى.

كلمات اغنية بعلن الانسحاب مكتوبة كاملة

دلوقتي أُعلِن الانسحاب
هغيب وأفضيلك مكان
يالي جتلي ملأتني خوف
نستني أي هوا الأمان

همشي مرتاح الضمير
حاولت أني أراضيك كتير
ولو علي سنيني اللي راحو
ميشغلكش الله كبير

دا أنا كنت معاك ب قليل راضي
كتير دا ميفرقليش
يا خسارة صبري عليك علي الفاضي
كداب ومحبتنيش
دا أنت اللي معاك ديما خسران
والعمر خلاص ضيعته مفيش
فا أنا هلحق نفسي وأعيش

وجودك جنبي يأذيني
وبعدك عني يرضيني
وحاسك عبء علي قلبي وغلطة عمري وسنيني
دا أنا كنت ليك دنيا وحياه
وكنت ليا أكبر أذى
بأه هوا دا رد الجميل تنكر في خير كله أتنسي