كلمات اغنية اولى بيا غناء عمرو مصطفى بتتكلم عن خيبة الأمل في الناس المقربين اللي اكتشف أنهم مش حقيقيين وكانوا بيخفوا مشاعرهم الحقيقية. الاغنية فيها رسالة قوة وتحدي إنه قرر يسيب كل الناس اللي خانوا ثقته ويركز على نفسه ومستقبله، وبتعبر عن الفراق والتغير اللي حاصل بعد ما بان حقيقة الناس اللي حواليه وإنه يستحق الأفضل.
كلمات اغنية اولى بيا عمرو مصطفى
كدّبوني قالوا عنّي فيه وفيه
حاولوا ياما يوقعوني وكنت أقوم
سيبتهم علشان يبان جواهم إيه
وبانوا إيه دول غير تراب على الهدوم
كنت فاكر بينا عمر وذكريات
كنت فاكر بينا عشرة وفيه أصول
بس أتاري قلبهم شايل حاجات
ويوم بيطلع مهما تمثيلهم يطول
ضهري ليكم
ياللي فيكم كل حاجة قولتوا فيّا
انتوا صفحة بقت قديمة والنّهاردة
منتهيّة
ضهري ليكم
أما عيني باصّة للدّنيا اللي جاية
واللي ضاع منّي بسببكم النّهاردة
أولى بيّا
انكشفتوا ياللي كنتوا مخبّيين
القسيّة جوّة قلب مصدّقوش
كل ده معقول كده مستحمّلين
تنافقوا روحكم تبدّلوا بين الوشوش
مش هغيّر قلبي وأتغيّر عشان
ناس مفيش جواها قلب من الأساس
واللي يفرّق عندي بكرة عن زمان
هو إنّي مش هقبل حياتي بأي ناس
ضهري ليكم
ياللي فيكم كل حاجة قولتوا فيّا
انتوا صفحة بقت قديمة والنّهاردة
منتهيّة
ضهري ليكم
أما عيني باصّة للدّنيا اللي جاية
واللي ضاع منّي بسببكم النّهاردة
أولى بيّا
وفي الآخر هنعمل إيه
هننسى وكل ده نعدّيه
ده اللي هنطلع من الدّنيا دي بيه
اغنية اولى بيا – عمرو مصطفى
Awla Beya – Amr mostafa
كلمات: عز الدين
ألحان: عمرو مصطفي
توزيع: جابور
المزيد من أغاني عمرو مصطفى
كلمات اغنية معرفش ينساني – عمرو مصطفى
كلمات اغنية ليها فيا – عمرو مصطفى
كلمات اغنية مستغني عمرو مصطفى
كلمات اغنية يا دايرة – عمرو مصطفى