اغنية عاش مصر لهاني الدقاق تتر مسلسل “النُص” بطولة أحمد أمين تعبر عن الفخر بالبلد والشجاعة في مواجهة التحديات. الأغنية تسلط الضوء على قوة وشجاعة الحرافيش، وتبرز معاني الفهلوة والنباهة. كلمات تتر مسلسل النُص تجسد الانتماء لمصر والعزم على الدفاع عنها بكل قوة وشجاعة، وتعبر عن القدرة على مواجهة أي معتدي والوقوف في وجه الصعاب.
كلمات اغنية عاش مصر لـ هاني الدقاق
بين الزّقاق والعطفة
صعاليك على حرافيش
عيشتنا في أصلها حرفة
وآخر النّهار معيّيش
حرافيش قلوبنا حرّة
مناكلش من التّهويش
القدرة لصاحب القدرة
والبركة في الحرافيش
نباهة وفهلوة
يغزلوا من الهوا من الهوا
بكرة بسكّر سنترافيش
هيجيبوك ويودّوك ويلفلفوك
هيزمّروك ويطبّلوك ويرقّصوك
عاشت مصر عاش الحرافيش
جدعان جدعان مش نصّ ونصّ
عاشت مصر عاش الحرافيش
ساعة الجدّ نأدّي ونصّ
حرافيش أيوا لكن جدعان
والمتغطّي بينا في أمان
ويوم ما ييجي المعتدي
يهفّه عقله ويعتدي
ومصر تنادي تقول يا ولادي
تلقى الواحد منّا بألف
نكسّر شوكته ورغم الأنف
حوالين نفسه كده هيلفّ
ويشوف منّا الوش التّاني
هيولول ويقول آه ياني
ويشوف شغل الحلمنتيشي
يرجع بلده يروح ميجيشي
اغنية عاش مصر – هاني الدقاق
Ashet Masr – Hany El Dakkak
كلمات: جورج عزمي
ألحان: إيهاب عبد الواحد
توزيع: أحمد عادل
المزيد من أغاني هاني الدقاق
كلمات اغنية شمس يوم جديد – منة حسين وهاني الدقاق
كلمات اغنية موسم صيد الغزلان – هاني الدقاق