كلمات اغنية أنا مين لحودة اينو بتكشف عن حالة نفسية مضطربة بعد علاقة خلت الشخص يفقد نفسه ومشاعره. الأغنية من نوع الراب، بكلمات عميقة فيها ألم ووجع وسؤال وجودي: “أنا مين؟”. بتعكس صدام بين الحب والصدمات، والتوهان اللي بييجي بعد الفُراق. لو عايز تقرأ كلمات أنا مين مكتوبة، تعالى نعيش الحالة ونشوف الكلام كامل.
كلمات اغنية أنا مين لـ حودة اينو
بتسأليني أنا مين
مبقتش عارف أنا مين
بصحى كلّ يوم عشان أموت
الضّغط جايب أجلي طول اليوم
طب لو مش ليّا
هتبقي لمين؟
عملتي اللّي في دماغك
ودي نتيجة اللّي وصلنا ليه
الحمد لله، الحمد لله
كنّا واحد بقينا اتنين
الحمد لله، الحمد لله
عايش من غيرك بقالي فترة
وبجدّ مش مهتمّ أعرف عنك شيء
بتسأليني أنا مين
مبقتش عارف أنا مين
طب ما تقولّيلي انتي مين
مبقتش عارف انتي مين
لو كنّا هنبعد من الأوّل
علّقتيني بيكي ليه؟
كنت قدّامك، واختياراتك
ضيّعتيني من إيدك
حياتك متجزّأة
وأنا الجزء اللّي مش هتلاقيه
لولا اللّي حصل بينا
مكنش العشم إنّي أسيب
بس هو ده النّصيب
بصحى كلّ يوم عشان أموت
الضّغط جايب أجلي طول اليوم
نفسي بجدّ أهدى وأفوق
بتسأليني أنا مين
مبقتش عارف أنا مين
طب ما تقولّيلي انتي مين
مبقتش عارف انتي مين
محتاج أزور therapy
ينصحني أبطّل أشوف صورك
وأنا عارف إنّه مستحيل
وأنا مش محظوظ
اغنية أنا مين – حودة اينو
HODA EINO – ANA MEEN
كلمات: حودة اينو
توزيع: مورو