كايروكي في كلمات اغنية أنا فاضل من ألبوم سوپرنوڤا 2026 بيحكي عن أول حاجات في حياته لسه شايلها جواه، ندمان على فرص اتحرقت، وبيحاول يقنع نفسه إنه كويس وهو تايه ومش فاهم ماله. والآن إليك كلمات اغنية كايروكي أنا فاضل مكتوبة.
كلمات اغنية أنا فاضل لـ كايروكي
أنا فاضِل لسه مَعايا
كام أَوّل مَرّة في جَيبي
كام عود كبْريت في العُلبة
مَرضيش يُولع عالفاضي
كام عود مَلهوش ولا سابقة
ف الحَرْق إِلّا المَرادي
أَوّل مَرّة أدخل سِيما مع بِنت
كانت في إعْدادي
كان كِدة للموضوع قِيمة
وبعديها خلاص.. بَقى عادي
أنا آسف جِداً جداًعلى أَوّل مَرّة
اتْحرقت ع الفاضي
ومِش وياكي
وأَبوسك أَوّل بُوسة
تِتباس أَصْلاً ف حَياتي
واتأسف بَعْدك تاني
على أَوّل مَرّة مَعاكي
واتأسف تاني وتالت
على كُلّ كَلام إتقال
وأَحْرق ف حَاجات اتْقالت
كانت لَازم تتشال
لِبتوع الدّور الجاي
والجاي أَبْقى من الفَايت
مَيت بيُسّلم حَيّ
والميت وإِن كان تَافة
ف بيفضل مَلهوش زَيّ
فنا حَفضل فاكِر مَيّ
أَوّل إيد بِنت أَمْسكها
أَوّل شوكِلاتة هَدية
أَوّل تَوْصيل للبيت
لِحَدّ مافجأة لَقيت
مِش بَاقي مَعايا ف جَيبي
غير كام” أَوّل” يتعاش
مَعرفش إِن كُنت هَشيلهم
ولا حَبيعهم بِبلاش
مُتشكر جِداً جداً
على وَقْتك تاني يا دُكتور
-العفو يا سِيدي اتْفضّل
واديتني رُوشتتي تاني
مَشطوب مِنها أرْبع تسطر
-مش حَاسس إِنّك أَحْسن
من آخر مَرّة تِجيلي
مِش حَاسس أَصْلاً حَاجة
عَلي إِيدك يَعني أَديلي
سَاعتين عَمّال أَتكلّم
و مِش فاكِر نِصّ كَلامنا
-السبت الجاي مَعادنا
لأ دَنتا الحَدّ … نَسيت
خُد بالَك بَقى من نَفْسك
وفيه دَوا هَنكرره تاني
أنا أَصْلاً هَبقى كُويس
ومِفيش حَاجة مِضايقاني
واخَدت البَاب ف ايديا
وما صَدّقت إِني مَشيت
كان فاضِل لِسة سِجارة
ف العُلبة لَقيتها مَعايا
بَسّ اسْتخسرت أَشربها
قَبْل أَما أَوْصل للبيت
اغنية أنا فاضل – كايروكي
Cairokee – Ana Fadel
كلمات: مصطفى إبراهيم
توزيع: شريف مصطفى
سنة الإصدار: 2026
أغاني أخرى لـ كايروكي
نسينا – كايروكي
ألف مرايا – كايروكي
مت ليه – كايروكي
لما بنتولد – كايروكي
كان لك معايا كايروكي
