كلمات اغنية أنا الخسارة

كلمات اغنية أنا الخسارة للمطربة رحمة محسن تفتح فيها دفاتر الكبرياء أمام شريك نكر الوفاء، وتؤكد أن قسوته ضيعت قيمة الحب والأمان اللي كان يجمعهما، لتعلن في أغنية أنا الخسارة انقضاء الفرصة وحتمية الندم على ما خسره.

كلمات اغنية أنا الخسارة مكتوبة كاملة

أنا الخَسارة اللي أَنت مِش هتعوضها
وأنا الحَقيقة اللي أَنت عَايز ترفضها
ودُنيا بُكرة تقول يا ريتني ما سِبتها

أنا الأَمانة اللي أَنت شَرّك ضَيّعها
وفُرصة رَاحت واستحالة تِرجعها
وأنا في حَياتك أَغلى حَاجة خِسرتها

أنا الفَرح اللي كَان في إِيديك وخَلّصته
وأنا القَلب اللي بِيغليك ورَخّصته
وحُضني تِملي لِيك مَفتوح وكَان بَيتك وكَان أَرضك
أنا الذِّكرى اللي مِش هِتروح وطُول العُمر هِتطاردك

أنا البِداية لكُل شَيء أنت واصل له
وفي النِّهاية ظَلَمتني ونَاسي دَه كُله
نَكرت خَيري وكُل حَاجة عَمَلتها

أنا الخَسارة اللي أَنت بُكرة تقدرها
ودي الحِكاية اللي أَنت صَعب تكررها
وبُكرة تزعل ع الأَمان اللي انتَهى

أنا الفَرح اللي كَان في إِيديك وخَلّصته
وأنا القَلب اللي بِيغليك ورَخّصته
وحُضني تِملي لِيك مَفتوح وكَان بيتك وكَان أَرضك
أنا الذِّكرى اللي مِش هِتروح وطُول العُمر هتطاردك