كلمات اغنية انا الهيبة غناء رامز نور بتتكلم عن راجل واثق من نفسه رجع بعد غيبة وبيقول إن اللي يقول غير كدة بيكذب. الراجل ده بيقول إنه دايماً جذاب وقائد ومحدش يقدر ينكر إنه الكينج وراسه فيها تاج. اغنية انا الهيبة بتعكس قوة وكبرياء شخصيته وإنه محدش يقدر يتحداه.
كلمات اغنية انا الهيبة رامز نور
أنا الهَيبة والكَذِب خيبة
واللّي يقول غير كده كدّاب
أنا رجعت من بعد غيبة
والعودة جامدة عليكوا يا شباب
بروح وأجي عادي بمزاجي
بس تمّلي ظهوري جذّاب
أنا الكينج على راسي تاجي
حد فيكوا جاي ف انتداب
إبقى تعالى ياعمّ قابلني
لو قابلت اللّي أجدع منّي
خمسة ع الأرض اللّي تشيلني
شايلة واحد ملوش شبيه
أنا اللّي انتوا عليه بتنمّو
عشان جامد ومفيش منّه
أنا اللّي محدّش بيهمّو
إبن ناس وباشا ونزيه
أنا العزّ ف عروقي أزيد من الدم
مهما بتعمل مهمّ أنا يا إبني أهم
حبيبي إحفظ تمامك فوق من الوهم
لمّا المعلّم يجي الصبي يتلم
الحطّ على اللّي زيّك دى هوايتي
حاطط عليك زمان ودلوقتي
أنا جامد غصب عنك مش ذنبي
إنك عبيط ومتجيش حاجة جنبي
اللّي سابوني دول ريّحوني
عمري ما أمسك في اللّي يسيب
يالّا في داهية هتصدّعوني
مش ناقصين رغي وتأنيب
أنا بطولي
بس ب أصولي
مش شبهكوا بكبر وأخيب
واللّي شبهكوا ولا يشتغلوني
أسد وشايفكم دباديب
بس أنا مكنتش متخيّل
إن الراجل فيكم عيّل
جاتكوا خيبة يا صنف منيل
الواحد منكم مكسوف
يعني ينفع أدّيكوا عيني
والاقي إيدكوا اللّى بتعميني
صحبة ضالّة غاوية تأذيني
حلّو عني اعملوا معروف
أنا العزّ ف عروقي أزيد من الدم
مهما بتعمل مهمّ أنا يا إبني أهم
حبيبي إحفظ تمامك فوق من الوهم
لمّا المعلّم يجي الصبي يتلم
الحطّ على اللّي زيّك دى هوايتي
حاطط عليك زمان ودلوقتي
أنا جامد غصب عنك مش ذنبى
إنك عبيط ومتجيش حاجة جنبي
زعيم وقائد وكلّه شاهد
سلطان الشن ده التقيل
بطل وجامد ونمرة واحد
الشنو شنو ده ملوش بديل
تفاصيل اغنية انا الهيبة – رامز نور
Ramez Nour – Ana El Heba
كلمات: محمود سوسته
الحان: رامز نور ومحمود سوسته
توزيع: محمد حريقه