كلمات مهرجان أنا بعد 12 هلغي البشر لـ كريم كرستيانو بتكشف عن حياة مليانة تجارب، من الصحوبية والجدعنة لحد الوحدة والخذلان. المهرجان ده فيه كلام صريح عن الرجولة، والمواقف اللي بتعلمك مين معاك ومين عليك. لو حابب تقرأ كلمات اغنية أنا بعد 12 هلغي البشر كامل هتلاقية في السطور القادمة.
كلمات مهرجان أنا بعد 12 هلغي البشر
في الوقت الحالي هبصّ لحالي
مش هشوف قدّامي مخلوق
لا رخيص ولا غالي
ما حدّش جالي
قالّي مالك وأنا مخنوق
الشّدة رجولة عشان برجولة
كشفتلي كلّه خلّيتني أفوق
عدّيت بصعوبة لكن بسهولة
هاخد حقّي مش هسيب حقوق
أنا عمري ما قلت في يوم يا خسارة
علشان عارف إنّها دوّارة
وزي ما في حلو في مرارة
وأنا متأقلم في الحالتين
بس اتعلّمت أبقى لحالي
علشان مش كلّها سالكالي
ما بقاش فارق بالنّسبالي
معايا مين أو عليّا مين
أنا عمّ الدّايرة ولو مش دايرة
بكلمة منّي في ثانية تدور
ما بجيش في محايلة
أنا باجي في مزاولة
وعينيك ما تشوف إلّا النّور
مطرح ما بخطّي فارض سيطرتي
وإسمي في قلوبكم محفور
أرضك أو أرضي أنا باخد وضعي
وليّا هيبة في غياب وحضور
أخوك مصحصح وعلى سليم
لا تشغله سيجارة ولا حريم
سالك وعمري ما كنت لئيم
ما بخونش حد إداني أمان
وأخوك عشان صافي من جواه
ربّك تملّي ساترها معاه
أنا حدّ كلّ النّاس حبّاه
وسيرتي حلوة في كلّ مكان
ماندو السّني أسد السّلام
كاسر عين كلّ الأخصام
ماندو السّني راجل تمام
أرض الرّعب أرض السّلام
نور السّني ما يشغلهوش
هنجولي أخصامه ما تشافوش
أدهم السّني ما بيهمّوش
ده مشرّف دولة السّلام
أنا بعد 12 بلغّي البشر
وببقى قاعد جوّة الشّات
يا حلاوة السّهر ويّا القمر
حبيبتي عسولة العسلات
مش بزهق منّها بقيت بدمنها
دي واخدة قلبي ستّ البنات
مش هبعد عنّها ولا هشوف غيرها
مهما بينا حصل خناقات
تبقى عليّا وتبقى شاريني
هميّزك وهتبقى في عيني
أمّا تعاملني بمعاملة صيني
يبقى انت كده عايز تخسرني
وأنا دغري يابا مش بعرف أنافق
لا إمّا أواجه، لا إمّا أفارق
عايزنا نبقى صحاب وشقايق
واجب عليك يا أسطى تقدّرني
كوكب كيتامينو والله يعينه
اللّي مسحول في الإدمان
وهم وشاربينه ومصدّقينه
ما تفوقوا حبّة من التّوهان
تكّة ولّاعة تلمّ جماعة
اشعل ومسّي الكلّ يبان
يخلص دخانك تبقى لحالك
دول بيطيروا مع الدّخان
أنا جدعنتي معاكو لاغيتها
علشان كلّها استغلّتها
صحابي على نفسي أنا بديتها
وهما بدوا عليّا حريم
والرّاجل اللّي حريم تلهيه
ما ليش علاقة ولا صالح بيه
عمري في يوم ما هعاتب فيه
عشان عويل ومش ع السّليم
صاحبي طلع نيها ودلدول ليها
والحريم طلعت سايقاه
ده كرامته لاغيها خروف وراميها
خايب والخيبة دي راكباه
أنا ياما نصحته يشوف مصلحته
بس ده النّسوان سحلاه
ع العادي براحته أنا برضه نطرته
مش هقلّ بنفسي معاه
أنا صاحبي في ضيقة وكلّ دقيقة
بفتكر أيّامي وياه
تعبان من غيره ما أنا ما ليش غيره
مهما غاب أنا مش هنساه
ما تخافش يا بيجو مسيرها تعدّي
السّجن مش آخر الحياة
ومسيرك راجع تاني الشّارع
وكلّ يوم أنا هبقى معاه
ماندو السّني راجل فهمان
رجولة وعايشها بسلكان
أرض السّلام بلد الجدعان
السّلام خطّ أحمر ياه
نور السّني عليكو تقيل
هنجولي كاسر الهلاهيل
أدهم السّني رجولة وأصيل
والمخاليق كلّها حبّاه
مهرجان أنا بعد 12 هلغي البشر
Ana Baad 12 Halghy El Bashar – Karim Cristiano
كلمات: محمود سوستا
توزيع: يوسف اوشا
المزيد من مهرجانات كريم كرستيانو
حالق موليت
شارع الحياه مش هو هو