مهرجان الشقيان والعراف لأبو الشوق حكاية مؤلمة من الشارع. الكلمات بتحكي قصة واقعية عن خيانة وألم. الفنان بيروي تجربته المؤلمة بطريقتة، بيتكلم عن الخذلان والحسد بأسلوب شعبي. اليكم كلمات اغنية الشقيان والعراف اللي هتلمس قلب كل واحد عانى في حياته.
كلمات مهرجان الشقيان والعراف – أبو الشوق
قبلت ف سكتي عرّاف
ياريتو ماكان قرأ ولا شاف
كلامو خلّي قلبي يخاف
زوّدلي أحزاني
كشفلي وقالي حد غريب
حبيبك وانتو شايفو صديق
هيمشي وهيسيبك في الضّيق
متعرفوش تاني
واكل عيشي وملحي
واتارية بيكرهني
وجواه منّو سواد
ده أنا كنت بمشيلك
على عيني وبجيلك
والنّاس يقولوا أخوات
تسلم يا مصلحجي
ياللّي كاره فرحي
وعايز تشوفني بموت
أنا فوقت متأخّر
امشي يلّا اتبخّر
مسمعش منك صوت
سألني وقالي ليه حبّيت
أديك تايه ماليلة رسيت
لقيتني غصب عنّي بكيت
فكرني تاني بيها
وقالي الحبّ مش بيدوم
تبات عاشق تقوم مظلوم
سألتو وكان صوتي مكتوم
أنا روحي ليه فيها
وحشاني وحشاني
ياللّي انتي بيعاني
دانا كنت ليكي بعيش
إزاي ظلمتيني
روحتي وسبتيني
حبّي مقدّرتيش
بس انتي مش جدعة
حبّك طلع خدع
شكراً يابنت النّاس
وبكرة هتقبلي
اللّي ياخد حقّي
وتدوقي نفس الكاس
لقيتو قالي يا مسكين
فراق الأم ده سكاكين
عليها بكيت بدمع العين
من غيرها وحداني
غيابها عيشك مكسور
ف قلبك كوم الأم معذور
بقيت كاره تشوف النّور
آه ياعمّ أنا بعاني
ليه جبت سيرت أمّي
ليه دوست على همّي
كانت أمّي أغلى النّاس
كبرت على خيرها
والله بدعيلها
دي الطّيبة والإحساس
آه ياوجع قلبي
أمّي كانت جنبي
بتهوّن الأحزان
البيت صبح فاضي
بعديها ضاع حالي
ياما أنا تعبان
وولّعلي البخور هرقّيك
عشان محسود من أغلى ماليك
عينيهم قاعدة تحسد فيك
وانتي ياعيني مأذي
عينيهم ع اللّي كان ف إيديك
وكرهين أي خير لو ليك
وعشان ربّنا مرضيك
نار الغيرة بتغلي
حسدوني حسدوني
بالسّحر وأذوني
وأنا سبتها لله
يارب يا قادر
مالسّحر ياساتر
يارب ردّ أذاه
أعمال ومعمولة
وأقفال ومقفولة
حولينا في شياطين
يارب عذّبهم
واعمي ليهم عينهم
ااقف معايا يا معين
مهرجان الشقيان والعراف – أبو الشوق
Alshuqyan W Alearaaf – Abu Al-Shouq
كلمات: حماقي المكسيكي
توزيع: محمد البوب وأبو الشوق
المزيد من مهرجانات أبو الشوق
حكاية العاشقين
حكاية الأم وبنتها
حركلي شفايفك
سفاح الجيزة
الفتوة والغلبان