كلمات اغنية اللي فاتو

كلمات اغنية اللي فاتو غناء الفنانة المغربية جنات بتحكي عن قوة بعد فراق، هي بتقول أن اللي مشي مش أهم من اللي قبله ولا يستاهل زعل، وبتقفل الصفحة بهدوء وبتكمل حياتها من غير ما تبص ورا. وفيما يلي كلمات اغنية اللي فاتو كاملة.

كلمات اغنية اللي فاتو مكتوبة كاملة

مِش أعزّ من الي فاتو
أو أعزّ من الي ماتو
قَلبي عاشها قبل منو
وبَعدو بردو يِعيش حياتو

مِش أعزّ من الي كانو
أو سايبلي فَرَاغ مكانو
الوجود زيّ العَدم
وأهو اتردم علي زكرياتو

مِش أهمّ من الصحاب الي باعو زَمان وخانو
مش أهمّ من الحبايب الي مِشيو وعَادي هانو
مش أهمّ من الي باقي .. فرد من ضِمْن البواقي
مش مأثّر لسه فيا مِش هفضّي الحياه عشانو

مِش سايبلي خلاص علامه
جت سَليمه وب السلامه
الحِوار ده كتير بيحصل
شُفنا منو كتير وياما

حُوش يعني من النوادر
عَدّا وقتو وقلبي قَادر
ولو لَمحتو ف مَرّه عمري
ما أروح أسلّم أو أُبادر

زَرْع فاسد وانقلع
قَلْب واخد ع الطمع
مِتوجعتش بَسّ هو
الي عَايش يتوجع
لسه هَيحس بخسارته
مِش هقول أَبَدا خسرتو
ده المَكاسب يوم فراقو
والغلط كان يَوْم ما اخترتو