كلمات اغنية قلبي الغلبان للفنانة رنا سماحة، بتقول فيها إنها زعلانة قوي وخايفة من الحب بعد ما كانت بتفرح. هي ندمانة عشان كانت طيبة وبتدي أمان لناس خانوها، فقررت تبعد عن الكل وتعتزل الناس عشان ترتاح.
كلمات اغنية قلبي الغلبان مكتوبة كاملة
قلبي اللّي زمان كان بيفرفش
أصبح متكسّر متدشدش
كان حابب الحبّ ودلوقتي
بيسمع سيرته يخاف ويكشكش
قلبي اللّي زمان كان على وضعه
دلوقتي أهو اتغيّر وضعه
مبقاش في نَفَس تاني يآمن
من يومها وصحّته على قدّه
قلبي الغلبان
ياما أدّى أمان
كان ذنبه إنّه حنيّن ونضيف
عاش طيّب هان
صان بسّ اتخان
طبع الخاينين غني ع التعريف
قلبي الحسّاس
من يوم ما اتداس
مبقاش يفرقلُه هيخسر مين
شاف نفسه خلاص
واعتزل الناس
رمى طوبة صنف البني آدمين
العيب م الأوّل مش منهم
العيب ع اللّي اتقبّل عيبهم
كان يكدب على نفسه بحجّة
معلش العشرة تغيّرهم
يستاهل ما أهو جابه لنفسه
فيها إيه لو كان بصّ لنفسه
أحسن ماهو داير بيطبطب
على ناس باعوا وكسروا بنفسه
قلبي الغلبان
ياما أدّى أمان
كان ذنبه إنّه حنيّن ونضيف
عاش طيّب هان
صان بسّ اتخان
طبع الخاينين غني ع التعريف
قلبي الحسّاس
من يوم ما اتداس
مبقاش يفرقلُه هيخسر مين
شاف نفسه خلاص
واعتزل الناس
رمى طوبة صنف البني آدمين
اغنية قلبي الغلبان لـ رنا سماحة
Rana Samaha – Alby Elghalban
كلمات: حسين خالد
ألحان: محمد فخراني
توزيع: رامي المصري
سنة الإصدار: 2026
أغاني أخرى لـ رنا سماحة
هختار حبه – رنا سماحة
مش أصول لـ رنا سماحة
مهري حياه لـ رنا سماحة
مردوده لـ رنا سماحة
الهونولولو – رنا سماحة