كلمات شيلة الدانه اداء مسفر السندوانه بيمدح فيها شخص معروف بأصله الطيب وإنجازاته الكبيرة، وبتوصف قوته وعزيمته اللي بتخليه يحقق نجاحات مستمرة. شيلة الدانه بتعبر عن فخر واعتزاز بالشخصية الممدوحة وقدرتها على التفوق في كل موقف.
كلمات شيلة الدانه مسفر السندوانه
الحطب والنار والليل واطراف النفود
تعطي الشاعر مساحة وجوه تصنعه
اتركوني لين اسافر مع افكاري واعود
رحلة الشاعر مع الفكر رحله ممتعه
تركد الساحه ولا جيت حرّكت الركود
ارهج الميدان بالشعر لين اولعه
انصف اكرام اللحا واكحل عيون الحسود
وامدح اللي همّته للمعالي تدفعه
يا سلام الله على اللي ورث طيب الجدود
نادرٍ يدمي مخاليبه اللي تشبعه
اسم بن مرخان مثل العلم فوق العمود
يرفعه فعله مايحتاج لحدٍ يرفعه
سيرته بين الرياجيل مسك ونفح عود
النعم لامر طاريه لازم تسمعه
لقّبوه الصعب والصعب لازادو يزود
يرتكي بالعزم للصعب لين يطوّعه
ان رضى مثل السحايب لا حنّت بالرعود
وان زعل وجّه للاخصام ضربه موجعه
يدخل الميدان هادي وفي اعصابه برود
المنافس لو يصرّح مهوب يزعزعه
يخطف كبار الجوايز ومطلاعه سنود
كل يوم محقّقٍ يا ثلاثه يا اربعه
تشهد ديار ال ثاني ودار ال سعود
ودار زايد تشهد وكلّنا نشهد معه
عزبته مصدر نواميس والعالم شهود
من يدور منبع السبق هذا منبعه
يامحمّد سمعتك من صعودٍ في صعود
العرب تنصاك في ضيق ولا في سعه
حاتميٍ في البذل والكرم مالك حدود
دون وجهك تبذل المال ما انتب تجمعه
باسطٍ كفّك وجودك تعدّى كل جود
اترك اللي دوب يعطي على راس اصبعه
موقعك بين الكواكب لعلّك في الوجود
وكل واحد حسب فعله يحدّد موقعه
سقت لك من مربط الفكر يانسل الفهود
سابقٍ تطلع بيدها والأوّل تنزعه
كنّها الدانه نهار التحدّي والصمود
تُوجت بالرقم الأوّل على كل جذعه
يوم فزّت مثل حرٍ على الخرب مهدود
اشقرٍ فكّوا سبوقه وشالو برقعه
حقّقت كاس الفخر واذهلت كل الحشود
رقمها في الشوط معروف ما احدٍ يطمعه
ودّك الميدان لاجات يفرش بالورود
ودّك ان الزعفران بوبرها تزرعه
شيلة الدانه – مسفر السندوانه
Mesfer Al Sendwana – Al Danah
كلمات: محمد السبيعي
المزيد من شيلات مسفر السندوانه
كلمات شيلة هيا على الوثبه – مسفر السندوانه
كلمات شيلة أنظار – مسفر السندوانه
كلمات شيلة طرب بن كليب – مسفر السندوانه
كلمات شيلة تبرق وترعد – مسفر السندوانه
كلمات شيلة هجن بن حلفان – مسفر السندوانه