كلمات شيلة العاصوف أداء الجفراني وجفران بن هضبان، قصيدة كلها حماس وتحدي في ساحات الإبل، ومدح قوي لـ “العاصوف” اللي داخل يكتسح المنافسين بثقة. الكلام هنا بيعبر عن عزيمة الرجال اللي بتدفع الغالي عشان الفوز والناموس، وفخر كبير بالقبيلة وأفعالها، شوف قوة المعنى في الكلمات.
كلمات شيلة العاصوف
هواجيس شعري في المواجيب فيها نوف
مثل نوف جفران بن هضبان بالحونه
نبي شلةٍ يلعب عليها ثلاث صفوف
ومن سمعها في وقتها جنت جنونه
يا جمهور عاصفة المجاهيم ما من خوف
يبشركم العاصوف باللي تمنونه
يقول أبشروا بالسيطرة دون ضرب سيوف
وهو لا رسم للفوز ما ينقصر دونه
محد يختلف منكم على نظرة العاصوف
مثل ما تعرفونه خصومه يعرفونه
إلى شاف طافح لحي متشغدرة غضروف
مع زينها الراهي من الغش مأمونة
شراها ونومس روسنا والعيون تشوف
وحوّل على اللي كل عام يتحدونه
يجون أقويا في الشوط ويغادرون ضعوف
وهو يضحك ويستقبل اللي يهنونه
تحديه صعب ولا خرج به عن المألوف
بعيدٍ مداه ويازن الهرج ويصونه
يورّد حلاله ويتقدم على المكشوف
ولا يخدعه عرفه ولا نظرة عيونه
يبوج الخطر لا حال دون الشفوف ظروف
ويرهي على الطولات ويقول مضمونه
يدوّر على الندّر ولو من سكاكا الجوف
بنات أسودٍ ما تفرق الكحل من لونه
عليها من وصوف الظبا والذياب وصوف
اللي شافها راع النظر باح مكنونه
زبون النوادر ما النوادر عليه تطوف
على اللكزس اللي ملتوي في دركسونه
مع كل خط وكل خبّة يلوفه لوف
ولا يمتحن لو زاد عداد طبلونه
تقوده على مشرى النوادر خيوط الصوف
يدوّر على مثل المدينة ومزيونة
يقول التعب والمال في مثلها مخلوف
إلى صرّ بعض الناس جهده ومليونه
وحمل القبيلة من على منكبه منسوف
يهوم الصعاب وينقل الحمل بمتونه
معه قو عزم وبعد نظرة وكسر شفوف
هذا أبو فرج يبشر به اللي طلب عونه
من العزوة اللي فعلهم فارق ومعروف
جمال الحمول وناقص الكيل يوفونه
زحول تحوف أعمارها بالمراجل حوف
وفيهم صفات الجود والعز مقرونة
بني عمي الغفران ربعي حجا الملهوف
ومزبان من طلّابة الثار يبغونه
سلامي على العاصوف ما هل وبل قنوف
وسلامي على طبعه وسلمه وقانونه
لأجل شوط رؤية سيدي قال أنا المكلوف
سفيرٍ يجمّل ربعه اللي يحبونه
بني مرة اللي تبذل وتحفظ المعروف
كفو يا ممثل سادة المجد وأركونه
شيلة العاصوف
Al Asouf – Al Jafrani & Jafran Bin Hadban
أداء: الجفراني وجفران بن هضبان
كلمات: محمد بن مشيط المري
توزيع: تون لايف
المزيد من شيلات الجفراني
قحطان العربية
السلامة دوروها
قبايل حرب
اعطني قلبك
هادم اللذات