كلمات اغنية ابطالها غناء حمادة الليثي ومصطفى الروسي، بيتكلموا عن انهم دايمًا ثابتين في مواقفهم ومش بيتراجعوا عن مبادئهم مهما كان. بيتفاخروا بإنجازاتهم وقوتهم وبيأكدوا إن معرفتهم وخبرتهم تساوي كنوز. بيقولوا إنهم أسود مش بيخافوا ولا بيتهددوا. في النهاية بيأكدوا إنهم دايمًا هيفضلوا على القمة.
كلمات اغنية ابطالها حمادة الليثي
إحنا نعدّي البحر بطولنا
لكن مش بنعدّي أصولنا
أبطال وأسود على مبدانا
أفضل شب ومش هتطولنا
الرجل تدبّ مكان متعوّز
واللّي كسبنا أكيد محظوظ
إحنا في حتّة وانتو في حتّة
دي معرفتنا تساوي كنوز
انتو مش عارفين إحنا مين
إحنا الكبار
كلّ كلامنا كلام كبار
اسأل علينا هيبة وقار
ندخل بنحتلّ أي قار
مبنعملش لحدّ حساب
جامدين زيّ ما قال الكتاب
مش بنخاف يوم ولا بنهاب
ده وجودنا بيعمل إرهاب
انتو مش عارفين إحنا مين
أبطالها إحنا
وأعمامها إحنا
وكبارها إحنا
انتو مش عارفين إحنا مين
ياللّي فاكرنا انتهينا
صعب إنّها تروح علينا
إحنا ثابتين مبنتهزّش
ولا حدّ ياكل على إيدينا
يبني إحنا العزّ في عروقنا
ومش هتلاقي واحد فوقنا
نسخة واحدة منتكرّرشي
وعملناها يابا بمجهودنا
انتو مش عارفين إحنا مين
معلّمين
معدّيين
ولو غلطت هتتحاسب
إحنا الثبات
من غير إثبات
للدبّابات حاسب حاسب
ولا يوم نخاف ولا يوم بنكشّ
وأي حدّ بناخدو الوشّ
أسود أسود مبنتهدّدش
هنا الغلط مفهوش معلّش
هنفضل ملوك زماننا
وانت نفسك تبقى مكاننا
إحنا فوق عدّينا وسبقنا
لسّه ثابتين على مبدأ
شوف انت نفسك تعمل إيه
وإحنا نعرف نعمل إيه
شوف انت نفسك توصل فين
وإحنا دلوقتي بقينا فين
انتو مش عارفين إحنا مين
أبطالها إحنا
وأعمامها إحنا
وكبارها إحنا
انتو مش عارفين إحنا مين
كلمات اغنية انا الشارع – حمادة الليثي
تفاصيل اغنية ابطالها – حمادة الليثي
Hamda El Leithy & Mostafa El Rosy – Abtalha
كلمات: حازم اكس
توزيع: فلسطيني