كلمات اغنية قبل النوم لـ نبيل من ألبوم “مش طبيعي” بتحكي عن معاناة السهران اللي بيقضي ليله بين الأحلام والهموم. الأغنية بتوصف حالة الشخص اللي مش قادر يغمض عينه، وبيحارب بين الذكريات اللي بتروح وتيجي والخوف من اللي جاي. كلامها بيوصل الشعور بالقلق والوحدة اللي بتحيط بالإنسان لما يفضل حبيس أفكاره، وبتسأل: ‘إيه اللي مصحيك دلوقت؟’.
كلمات اغنية قبل النوم لـ نبيل
إيه اللّي مصحّيك دلوقت
مستنّي يعدّي الوقت
ولا منك قومت وفوقت
ولا حتّى إرتاحت ونمت
سرحان باصص للسقف
ومشبّك كفّ ف كفّ
راصص أحلامك صفّ
وهمومك مش بتخفّ
كابس عليك النوم
ولا كابسة الهموم
قلقك بيجيلك يحكيلك حدوتة كلّ يوم
ساعات جابت ساعات عمّال تقلّب في حكايات
قلقان من إللّي جاي ولا خايف من إللّي فات
مش عارف كان حقيقي ولا كلّه تهيّؤات
إللّي فات
أحلام مصحّياك مش بتخلّيك ترمش عينيك
بتقلّب في إللّي فات أيّ حاجة جات عليك
لو تغفل ثانية تلقى حلم بيكتّف إيديك بيصحّيك
بتروح من حلم لحلم
مابقاش في حاجات بتهمّ
وفي درجة ليها وصلت
راحتك في الوحدة أهمّ
قلقان سهران للصبح
مش لاقي لحالتك شرح
أصلاً ده مكانش يصحّ
نطلع من جرح لجرح
اغنية قبل النوم – نبيل
Nabil – Abl El Noum
كلمات: محمود سليم
ألحان: محمد عبد المجيد
توزيع: مؤمن ياسر
المزيد من أغاني – نبيل
اغنية سبحانه – نبيل
اغنية أخرج بهدوء – نبيل
اغنية مش طبيعي – نبيل
اغنية مسلسلات – نبيل
اغنية الناس الغاليين – نبيل