كلمات اغنية حوال الناس للفنان مسلم تصف التناقضات الكبيرة في حياة البشر وصراعاتهم اليومية مع تقلبات الزمان، حيث ترصد الفوارق بين القناعة والطمع وكيف يواجه كل شخص قدره بمفرده، لنتأمل بعمق في حقيقة ما يدور داخل حوال الناس.
كلمات اغنية حوال الناس مكتوبة كاملة
حوال الناس
الناس الكادحة والكلاس
لباس ولا بَاس سبحان لي زاد ونقاص فالكاس
كان من الذَّهب مصنوع ولا نحاس
فيه المَرار يبقى مرار ما يِبدل طعموا ماس
جنايز وأعراس
كل مَحروق بحريقو حاس
ما بَقى حد بحريق حد يِتقاس
ناس فقلبم الهَم دحاس
سيوف ومَواس
غارسها فِيهم الزّمان لي جاهم فاص يعفاص
أَي حُلم وأَي لساس يمحي أي ضربة فاس
يِتسما والو الزّهر ولا عكاس
كاين لي صَبَر وخيط بصبرو لباس
وعاش حتّى لقبر دايما مَرفوع الراس
وكاين لي عَاش حَبّاس بين حيوط الوسواس
عارف الزَّمان قَنّاص وعلى الدقة عساس
ومايكون غير المِكتاب حتى لآخِر الأنفاس
وهذ الشّي باين.. شوف حوال النّاس
كنت حَاج ولا محتاج ولو فراسك تاج
راك فالدُّنيا عايم والأيّام مَواج
لا تظن راك عَوّام ولا غتولي تعوم مع الدَّوام
مواج هذا العَام ماشي فحال باقي الأعوام
كنت حَاج ولا محتاج ولو فراسك تاج
راك فالدُّنيا عايم والأيّام مَواج
لا تظن راك عَوّام ولا غتولي تعوم مع الدَّوام
مواج هذا العَام ماشي فحال باقي الأعوام
شوف وَاحد مات وجاروا عندوا سابع
ولي دِرويش ومراضيش ولي درويش وقَانع
كاين لي مِربي الرّيش وحامد
كاين لي مِربي الرّيش وطامع
كاين لي خَطى فالسّاهل وكاين لي نجح فالمانع
ولي رَسَم لراسو طريقو باقي فِيها دالع
وكاين لي طِريقوا هُبوط وباغي يمشي طالع
واحد رَاحتوا فكازينو واحد راحتوا فجَامع
واحد مِجري على ولادو واحد للأيتام جَامع
ناس تُهاجم… وناس دَافع
و لي يِدافع فيدوا حَجرة
واللي يـُهاجم عِندوا مدافع
واحد مِتهوم واحد يِترافع
واحد جَار واحد دَافع
واحد ضَار واحد نَافع
عشيري قَطع لبَحر
وعشيري يِموت قاطع
عشير مَدفون فالقَبر
وعشيري يِدعيلوا راكع
شوف حوال النّاس في المُجتمع وشحال جامع
فيه أنا لي كَاتِب وفيه أنت لي سامع
فيه أنا لي كَاتِب وفيه أنت لي سامع
كنت حَاج ولا محتاج ولو فراسك تاج
راك فالدُّنيا عايم والأيّام مَواج
لا تظن راك عَوّام ولا غتولي تعوم مع الدَّوام
مواج هذا العَام ماشي فحال باقي الأعوام
كنت حَاج ولا محتاج ولو فراسك تاج
راك فالدُّنيا عايم والأيّام مَواج
لا تظن راك عَوّام ولا غتولي تعوم مع الدَّوام
مواج هذا العَام ماشي فحال باقي الأعوام
اغنية حوال الناس – مسلم
Muslim – 7wal Nas
كلمات: مسلم
ألحان: غير معروف
توزيع: دي جي ميد
