كلمات اغنية عدالة ربنا للفنان المصري مصطفى سليمان بتعبر عن مشاعر الغضب والخذلان من شخص خذل صاحبه. الاغنية بتتكلم عن عدالة ربنا اللي بتدور وتجيب حق كل واحد وبتوضح إزاي الشخص اللي كان مغرور ومتكبر بيدفع تمن أفعاله في النهاية. كلمات اغنية عدالة ربنا بتوصل رسالة قوية عن الحساب والجزاء في الدنيا.
كلمات اغنية عدالة ربنا مصطفى سليمان
دعيتْلك ربّنا يكافئك بأفعالك
ويدّيلك حسب نواياك واهو إدّالك
فاتورة كبيرة مين غيرك دفعهالك
ومين شالك في كل الناس
بقيت دلوقتي بترحَم على غرورك
وبستغرِب محدش ليه بقى يزورك
كتير مثلت بس خسرت جمهورك
حضورك زي عدمه خلاص
عدالة ربّنا لفّت ودارت بيك
وكل الدنيا فضيت فجأة من حواليك
بتتحاسب على اللي عملته في الدنيا
عشان تفارقها وإنت مخلّص اللي عليك
عدالة ربّنا لفّت ودارت بيك
وكل الدنيا فضيت فجأة من حواليك
بتتحاسب على اللي عملته في الدنيا
عشان تفارقها وإنت مخلّص اللي عليك
صبرت عليك بقيت تتمادى في شروطك
كرهتك و إنت مبتسمعش غير صوتك
وكان صبري دة آخر كارت في كروتك
راهنت عليه خسرته وراح
فاجئتك طبعًا إني قفلت موضوعك
خسارة الحب في الناس اللي من نوعك
مشيت ولا يمكن أحلم تاني برجوعك
فارقتك وبضمير مرتاح
عدالة ربّنا لفّت ودارت بيك
وكل الدنيا فضيت فجأة من حواليك
بتتحاسب على اللي عملته في الدنيا
عشان تفارقها وإنت مخلّص اللي عليك
عدالة ربّنا لفّت ودارت بيك
وكل الدنيا فضيت فجأة من حواليك
بتتحاسب على اللي عملته في الدنيا
عشان تفارقها وإنت مخلّص اللّي عليك
كلمات اغنية انا نسيته – مصطفى سليمان
اغنية عدالة ربنا – مصطفى سليمان
كلمات: محمود عبد الله
الحان: محمد النادي
توزيع: وسام عبد المنعم