كلمات شيلة عالي مقام أداء محمد بن غرمان بتمدح زياد بن سعد الشعيفان وبتوصفه كشخص عالي المقام، وبيساعد الناس في الأوقات الصعبة وبيزيدهم قوة وثقة. الكلمات بتعبر عن احترام وتقدير لمواقفه وشجاعته وبتشبهه بنجم بينور في الظلام. بيعتبروا زياد ملاذ للناس ودايماً جنبهم في الشدائد.
كلمات شيلة عالي مقام محمد بن غرمان
ارتقيت لقمّة فاقت حدود الغمام
وارتقى بي هاجسي في مدار المشتري
وصار في عيني جبلها كبر راس النعام
واستوى لي قاف ماهو بقاف منبري
مبتعد عن من لسانه على المقفّين سام
ناقلين الهرج والنم ماهم بذخري
ما وقفوا وقت الشدّايد ولا لبّو مضام
لاذكرت جموعهم شمت وادق انحري
وانتحيت وغبت عنهم وللدنيا السلام
دام مافيهم حزام اشدّ به ظهري
ثم جذّني نجم يدل نوره في الظلام
السناد اللي على الطيّب والصعبة جري
يا سلامي صوب شيخ المواقيف العظام
والعظام تصير عنده مثل عين الزري
داهيه ما يعترف في قوانين ونظام
وفي حراج الطيّب دايم يبيع ويشتري
ذا زياد بن سعد لا بدا في اول الكلام
فعل طيّبه ينعرف من قبل ما ينقري
والله اني افتخر يوم اعدّه لي حزام
صرت من بعده عن الضيّق وهمومي بري
من بغى الطاله لاينظر حدر يلقى الملام
ولو يشحّ الوقت يبقى من العزّه ثري
والردي ما ينتهض في المواقيف الجسام
لو غدى صدر الخوي من همومه منفري
ما ارتضى مقامي انصى سوى عالي مقام
وما يشيل الكايده كل من عظمه طري
لانخاه اللي من الهم ما يهنا المنام
جات فزعه عاجله من قبل ما يحتري
دايم أقواله تجي مثل فعله بالتمام
ودايم والنعم تطرى ليا منه طري
وقفته تبقى على الصدر تذكار وسام
يوم كان الوقت ينوي بكسري وقهري
جيته واعرفه دايم ملاذ للحيام
ويجلي العتمة عن الليل ويزود نظري
ينعرف ابو سعد كل ما عدّوا الكرام
عون من متنه من الحمل صاير مزدري
جعل عمره عد مارفرف جناح الحمام
والردي لو طال عمره ما احد به دري
ترثة اللي من نصاهم رقى قمّة سنام
ما يخيب اللي ذخر في لزومه دوسري
لو ماني من سبيع المطاليق الحشام
قلت انا صلب الدواسر واكبر عنصري
شيلة عالي مقام – محمد بن غرمان
Mohammed Bin Gherman – 3ali Maqam
كلمات: محمد بن قطيم آل قطيم
اداء: محمد بن غرمان
المزيد من شيلات محمد بن غرمان
كلمات شيلة شمس حبك – محمد بن غرمان
كلمات شيلة يا جميلة – محمد بن غرمان
كلمات شيلة يوم الوطن – محمد بن غرمان
كلمات شيلة حبيب الروح – محمد بن غرمان
كلمات شيلة هاتي يدينك – محمد بن غرمان