كلمات اغنية عالم وحوش للفنانة رانيا جودت من ألبوم حبك معجزة، بتشتكي فيها من قسوة الناس اللي حواليها والقلوب اللي مفيش فيها رحمة، وبتقول إن الكل بيجري ورا مصلحته وبس ومحدش حاسس بحد والوجع بيزيد ومحدش بينسى الجراح دي خالص.
كلمات اغنية عالم وحوش مكتوبة كاملة
عالم وحوش وقلوبها جاحدة
ما بيفهموش غير حاجة واحدة
تماثيل وشوش ملامحها باردة
إحساس مغشوش وأنا مضطرّية أعيش معاه
عالم ضياع وفي وسط الكون بحاله
إحساسنا ضاع ومحدّش جه في باله
ينسى الخداع ويخلّيه في حاله
ويروح يدور على الحياة
هو الكلّ لاهي ولا الكلّ ساهي
إحنا بقينا فعلاً عايشين في الملاهي
هو الكلّ لاهي ولا الكلّ ساهي
إحنا بقينا فعلاً عايشين في الملاهي
ماشين في الطريق ماشيين عمياني
مين قلبه بريء وعقله أناني
وكلّه جريء وكلّه أذاني
بسّ الجراح ما بتتنسيش
الحلم طار في زحام المدينة
دخان ونار في الدائرة اللعينة
ومفيش مخلوق غيرنا بيحسّ بينا
والكلّ بيجري عشان يعيش
هو الكلّ لاهي ولا الكلّ ساهي
إحنا بقينا فعلاً عايشين في الملاهي
هو الكلّ لاهي ولا الكلّ ساهي
إحنا بقينا فعلاً عايشين في الملاهي
اغنية عالم وحوش – رانيا جودت
Rania Gawdat – 3alam Wohosh
كلمات وألحان: محمد حامد
توزيع: حسام حسن
سنة الإصدار: 2026