كلمات اغنية اقولك ايه للفنانة انغام من ألبوم “تيجي نسيب” بتعبر عن مشاعر الحيرة والألم اللي بتمر بيها البطلة وبتوصف حالة من التعب والتفكير المستمر في شخص كان ليه مكانة كبيرة في حياتها. اغنية انغام اقولك ايه بتتكلم عن الجرح اللي مش بيلتئم والوهم اللي مش بتفوق منه ورغم كل ده البطلة مش قادرة تكره الشخص ده وبتفضل معاه.
كلمات اغنية اقولك ايه انغام
أقولك إيه وأقولك ليه
أنا اللي أنا فيه ملوش تفسير
تعبت خلاص من الأيام
من الأوهام من التفكير
يا صورة لحد كان بالنسبة لي حياة
يا حضن الشوك ماليه
ومش قادرة أعيش براه
يا ذنب وصعب أتوب عنه
يا وهم ومش بفوق منه
يا ريت أيامي يستنوا عشان أنساك
يا سكة ومش بغيرها
يا غلطة مصرة أكررها
ورغم ده كله مش كارهة
أني أبقى معاك
فيه جرح كبير سنين مفتوح
ومش بيروح وملهوش صوت
وجرح الروح عذابه عذاب
ولو يتساب نهايته الموت
يا سجن بنيته بإيديا بيبانه جراح
عشان ما أخرجش منه أديتلك المفتاح
يا روحي اللي بعذبها نهايتي اللي بقربها
يا قهوة مرة بشربها بطعم الخوف
وحبة بحبة أنا بفضى
لا أنا قابلتك ولا رافضة
ومش شايفة لصبري عليك
سبب معروف
كلمات اغنية خليك معاها – انغام
اغنية اقولك ايه – انغام
ألحان: إيهاب عبدالواحد
توزيع: محمد العشي
كلمات: امير طعيمة