كلمات اغنية 2020 فريستايل لسولجا من أغاني الراب السوداني اللي بتتكلم عن تجربته الشخصية في الحياة والفن. الأغنية بتوصف موقفه من الناس الحاقدة والحاسدة، وبتتكلم عن مشاكل المجتمع والعلاقات. سولجا بيتكلم بصراحة عن الرهاب الاجتماعي، والناس القريبة اللي بتخون، وبيأكد إنه هيفضل زي ما هو مهما حصل. خلينا نشوف كلمات 2020 فريستايل كاملة.
كلمات اغنية 2020 فريستايل لـ سولجا
أنا زي ما أنا
راسك في الحيطة لو ما عاجبك
تشيل المسؤوليّة
يقولو ليك بتشيل حواجبك
الكان في اللّقطة داير اللّقطة
ما كان صاحبك
حتّى في أسوء ظروفك
كشف تلقى في زول حاسدك
كلّو عارف الحقيقة
لاكين مافي زول بيقول
إنّو جولصا هو الشّاب
الخلا الشّعب السّوداني كول
لاكين قوم بول ماف دليل
وماف مدلول
مشكلتك الوحيدة
إنّو اتخلقتا ود أصول
بحذّر من النّاس القراب
أكتر من النّاس الغراب
بعرف ابيف واراب
لكن ما داير ابيف واراب
راقد على التّراب
في صدري كورة شراب
جمهوري كلّ يوم
دايرني اركب الشّباب
أنا رجل صالح لو دايرة تستقري
البحر مالح لو في راسك إنّو تفري
بتحبّيني إي دايرك تستمرّي
شباب نتلاقى في نادي الرّجال السّرّي
التّسوي بيجيك راجع ما ياصحبي دوّارة
والسّانة ديك حبيتا بس خلّيتا شان حوارة
ما باكل السّوشي بس بفترس في المرارة
فما يجيني طولي يعمل لي أمير كرارة
وكلّ الفات من عمري محاولات
والجاي محاولات
بحبّ نوع الأغاني ده
بس ما بيجيب مشاهدات
محتاج إنّك تركّز مع نفسك
محتاج تجلي النّاس
في عزّ الاكتئاب
محتاج تمرق تسلّي النّاس
محتاج تجيب جي كلاس
محتاج تبلّ النّاس
محتاج ليك كم حفلة
عشان تعرس بت النّاس
واخوك الشّمس في حضورو
ماف زول بيسطع
النّحلة كيوت لكن عادي ممكن تلسع
متور لو بايظ مستحيل تخلّيهو يرفع
لو لقيت يزيد الرّاجحي
مستحيل اخلّيوهو يدفع
غير الله مافي زول بيقدر يودّي النّار
عندي صحبات بنات أرجل من نقز كتار
عندي حاقدين كتار عندي حاسدين كتار
عندي جرناسة حاقدة جاياني من قندهار
حمدلله على الجاي الحمدلله على الفات
لاكين حمادة الجاي ما شبه حمادة الفات
جلاليب وما بقيف في الاستوبات
ماشين نيشيل الفاحة عشان عمّ عشم مات
ارح يابيب شان شكلو داخلين الفاينل
ما حدخل نقاشات
عشان ما تطيّري الجاك دانيال
مالازم تفاصيل عشان اسوق البيت ده ماينر
وما داير اشوف دموعك بي الايلاينر
والنّاس دي جنت الأيّام دي بالتّحديد
لو قلت ما بتعوم حتلقى روحك في المحيط
الدّنيا علّمتنا بالتّأكيد
المخلوع ما عندو قروش
العندو قروش بيكون بسيط
والجاي من الله فعلى الله يا ساني
اتحدّاك لو وحدة من اكساتي قادرة تنساني
بتكلّم ليكي شان حاسيكي حاساني
مشاكلي أكبر من كم وهمي دسّاني
طوالي في الرّحاب
ما قاعد اطلع لو مافي داعي
ناس كتار فاصلهم
بس شان الرّهاب الاجتماعي
واي واحد نعملو
بيعمل روحو هو العاملنا
اي واحد نفصلو
بيعمل روحو هو الفاصلنا
ما تجيب أخبار النّاس
شكراً يا مراسلنا
كفاية حوامة عشان حشيتو مفاصلنا
اغنية 2020 فريستايل – سولجا
Soulja – 2020 Freestyle
كلمات وتوزيع: سولجا