كلمات اغنية انا الطيب – حمزة نمرة

كلمات اغنية انا الطيب حمزة نمرة مكتوبة وكاملة، اغنية أنا الطيب من البوم رايق للفنان حمزة نمرة، الاغنية من كلمات محمود فاروق والحان حمزة، تم طرح الاغنية من خلال مواقع وتطبيقات الاغاني العربية، إليكم كلمات اغنية انا الطيب مكتوبة.

كلمات اغنية انا الطيب حمزة نمرة

أنا الطيب وعامل فيها مش طيب
علشان الناس بقت بتدوس على الطيب
ومين كان حس بينا يا دمعي يا قريب

بمثل اني مش طيب عشان انتو
ديابة ولازم انتش لقمتي منكوا
وليه يا زمن بقى الطيب بتعيب

عامل قاسي وجواية مافيش قسوة
مليش غير قسوتي عزوة
بتدو الحق للأقوى
وبتيجوا تملي ع الطيب

وشراني لكن من جوة وحداني
وياما صرخت أه ياني
ودوستوا على الجراح تاني
ماشوفتش حد بي طيب

عامل جامد لكني ورا الحيطان عيل
ولما الدنيا بتليل بشيل وشي اللي بيمثل
وأروح أنام ع الجانب الطيب

يا ناس يا ناس واقف مبلم
يارب حوش يارب سلم
دانا اتجرحت جرح علم
ماشي يا دنيا

ماجابش حقي غير دراعي
يا ريتني حاوي دول أفاعي
مافيش لطيبتي أي داعي
لا لا لا لا

أنا البعبع وشايل بين ضلوعي ملاك
ولو نزلت دموعي هلاك
يا قاسي القلب ايه قساك
وخلاك تيجي ع الطيب

أنا المأذي ومش عايز أكون مؤذي
لكن لو هتإذي هأذي
وده مش بكيفي ده حظي
ونفسي في يوم أعود طيب

ومش خواف ولو قولتكوا اني بخاف
أخاف لتقرقشوني حاف
وياما منكوا قلبي شاف
عالم وحوش مابترحموش طيب

يا ناس يا ناس واقف مبلم
يارب حوش يارب سلم
دانا اتجرحت جرح علم
ماشي يا دنيا

ماجابش حقي غير دراعي
يا ريتني حاوي دول أفاعي
مافيش لطيبتي أي داعي
لا لا لا لا

اغنية انا الطيب حمزة نمرة