مهرجان انا خدت اقوى درس منكو لعصام صاصا وكيمو الديب. بيتكلم عن خيبة الأمل والغدر من الناس اللي كانوا قريبين منه. الكلمات بتعبر عن الألم والحزن بسبب الغدر والخيانة، والقرار النهائي بعدم الرجوع للعلاقة المؤذية. مهرجان انا خدت اقوى درس منكو بيوصف الإصرار على العيش بسعادة بعيد عن الناس اللي أذوه.
كلمات مهرجان انا خدت اقوى درس منكو
بحبّ نفسي نفسي ثم نفسي خلاص
أنا مش عايزكم معايا
ده إنتم عشان اللي معايا إني لوحدي
عايش في دنيا قاسية قاسمة قلبي إتنين
نص كئيب وحزين
ونص فيه سكّاكين عمالة تجرحني
آه من دموعي اللي كل يوم في عيوني
بصّوا عليا شافوني
أنا ميّت صدّقوني الحزن دبحني
والنبي يا دنيا كفاية كده جرح
نفسي أحسّ بطعم الفرح
مش طالب أنا حاجة مش صح
أنا طالب إني أعيش مبسوط
شكلي بقى أكبر من سنّي
بتوجع من ناس كانوا منّي
كل حلمي يا دنيا أنا إني
عايز أفرح قبل ما أموت
أنا خدت أقوى درس منكم يا اللي أذيتوا
أنا اللي نمتوا في بيته
خنتوا وطمعتوا في صيته علشان ناقصين
شكرًا بجد خليتوني تاني ما أمنشي
لأي ضحكة في وشي
بديكم ضهري وبمشي تروحوا شاتمين
إتنين إسمهم بيشطب أي أسامي
الفخم سيّد إكرامي
والأسد ده زياد إكرامي إخوات باشوات
اللي خسرني خسر جدعنتي
واللي باعني حزين دلوقتي
ما فيش شبهي بيجي من بعدي
أصل أنا فرصة ما تتكرّرش
عمري مرّة ما كنت أناني
ولا باجي على ناس حبّاني
يا اللي خسرتني إنساني
لما بمشي أنا ما برجعش
بحبّ نفسي نفسي ثم نفسي خلاص
وكرهت كل النّاس
ما بقتش أحسّ إحساس إني لوحدي
أنا من غيركم أحسن بكتير وكفاية
أنا مش عايزكم معايا
ده إنتم عشان اللي معايا كنتم جنبي
عمري عدى في غمضة عين
شايل حزن وهشكي لمين
مش ببيّن إني حزين
عشان ما حدّش يشمت فيا
لو دموعي نزلت على خدّي
إيدي على دمعتي بتعدّي
ما فيش حد حنيّن جنبي
أنا اللي بطبطب عليا
دكتور تعالى إكشف قولي إيه اللي جرالي
ما بقتش عارف مالي
أنا فيا حاجة قولهالي وإديني علاجها
عالجني من المحبّة عشان أعرف أعيش
مع ناس ما حبّتنيش
قالي علاجك عيش بس إبعد عنها
سقفة ليا إني إتحمّلت
وما وقعتش أنا وكمّلت
في النهاية أنا إتأكّدت
إن ما فيش غيري معايا
أنا السند اللي ساندني
أنا ما فيش أجدع منّي
أنا بحبّني أنا بعشقني
أنا وبس عليا كفاية
كدّابة كل كلمة قلتهالي كانت كدب
قلبك ده مش بيحبّ
لو كنت حبّيت كلب ما كانش أذاني
مع السلامة يلا في الزبالة سلام
ما فيش ما بينا كلام
ولا حبّ ولا غرام إنتي مش علشاني
بعد إذنك إمشي وسيبيني
مش هقول إنتي وحشتيني
راجعة ليه تقولي بتحبّيني
مش بعدتي وقلتي نصيب
مع إني هموت وأرجعلك
بس كاره قسوة قلبك
ده نصيب آسف مش عاوزك
زي ما سبتي أنا برضه هسيب
مهرجان انا خدت اقوى درس منكو
Ana Khat Aqwa Dars Minko – Essam Saasa
غناء: عصام صاصا و كيمو الديب
كلمات: مانو الجاحد
توزيع: كيمو الديب
المزيد من أغاني عصام صاصا
كلمات مهرجان واكلين المستهبلة – عصام صاصا
كلمات مهرجان طيبة زمان – عصام صاصا
كلمات مهرجان اشبعو مني انا يمكن اموت – عصام صاصا
كلمات مهرجان اتربيت ع الاحترام – عصام صاصا