موسوعة عربية شاملة

راشد الماجد

كلمات اغنية هذا المختصر Haza Elmokhetasr للمطرب السعودي راشد الماجد Rashed AlMajid وهي رسالة من سمو الشيخ ناصر بن حمد آل خليفه الى اخوانه في قطر، نقدم لكم اليوم كلمات اغنية هذا المختصر مكتوبة وكاملة وهي من اجمل الاغاني السعودية الحصرية التي حازت على اعجاب الكثيرين اليكم اغنية هذا المختصر مكتوبة نتمنى ان تنال إعجابكم.

اغنية هذا المختصر

ألحان: أحمد الهرمي

توزيع: سيروس

مكساج: جاسم محمد

الكلمات

قال الذي ماله على الدنيا خصيم

الا المكيده والخيانه والغدر

يمشي على مبداه والله به عليم

والى حكى يا اما صهل ولا هدر
…………………….

والناس في ذا الوقت محمود وذميم

والرابح اللي يتقي شر البشر

الله يقطع كل مختال اثيم

ويقطع نبا اللي كل مايسند عثر
…………………….

يا هل قطر لاهب ذعذاع النسيم

عسى نسايم داركم ورد وزهر

احبكم من قلب والله العظيم

لو كان مابه بيننا درب وجسر

…………………….

قبايل وتقديركم عند الحشيم

يجري بصدره مثل مايجري النهر

واكرام روس وماخلق فيكم لئيم

وحرار راي وعندكم علم وخبر
…………………….

وانا ولدكم وان حكى فيني غشيم

من قدركم نسيت كل اللي بدر

انا مسامحكم وانا الحر العديم

اللي مايطعن فالكتوف وفالظهر
…………………….

لكن سماكم قد لها عتمه وغيم

واحيان عقب الغيم ما ياتي مطر

تكاتفوا واشروا رضى الرب الرحيم

وبروا ذممكم قبل ناقوس الخطر
…………………….

مانيب قايل لا توالون لتميم

ولانيب قايل لا توالون لقطر

لكن حثوهم على النهج القويم

وقولوا لهم ترى الخطا عقبه عذر
…………………….

وقولوا لهم حنا على العهد القديم

وعمر اللحم والدم ماراحت هدر

حنا مناهجنا السراط المستقيم

ومن شذ عنا طاح في ويل وصقر
…………………….

ولا نبي منهم سوى الدرب السليم

وتجنيبهم للمنعطف والمنحدر

يقاطعون إيران مقباس الجحيم

اللي خذوها بالايادي والصدر
…………………….

ويقدرون الجار من شعب وزعيم

على النقا في سر ولا في جهر

وان كان طاعوكم لحقتوا كل تيم

والله وقاكم من صواديف الدهر
…………………….

وان كان ماطاعوا يجاوبني الفهيم

وش فايده هذا الولا والا الفخر

لاصار صاحبكم على دربه يهيم

بالله عليكم وين يلقى له قدر
…………………….

اصبح عدوه من بعد حقده نديم

حتى خطاه يقال له وجهة نظر

واصبح صديقه من بعد حبه غريم

مايدري انه لابدا اللازم شهر
…………………….

شوروا عليه يجنب بليس الرجيم

اللي دروبه من بدايتها وعر

واهم شي الدرب لايصبح وخيم

واهم شي الحق مادامه ظهر
…………………….

هذا الكلام اللي يسمى في الصميم

ومن خالفه ياخذ له دروس وعبر

وان قيل وين الحل فالراس الحكيم

في عاصمة سلمان هذا المختصر

قد يعجبك ايضا