يشتهر المصريون بحس الفكاهة ويظهر هذا من خلال القاء نكت مصرية مع بعضهم البعض، لأنهم يعتبرون النكت من الأشياء التي تجلب السعادة والبهجة والسرور، مما يؤدي إلى تغيير الحالة النفسية ويساعد على التخلص من الحزن والقلق، واستعادة الطاقة الإيجابية للشخص، وفي هذا المقال ستجد مجموعة من أجمد نكت مصرية ستجعلك تبتسم وتضحك.
محتويات المقال
نكت مصرية 2023
- مره واحد لبان أشترى عمارة (ملك) مراته راحت تلم القشطة من على السطح.
- واحد بيقول لصاحبه هو انا لما ابوس اختك نبقى نسايب قاله لأ نبقى خالصين.
- واحد فلاح.. ركب مع تاكسي، ركب مراته قدام علشان السواق ميبصلحاش بالمراية.
- واحد راح يخطب بنت من أهلها قالو البنت دلوقت بتدرس قال يعني أرجع بعد ساعة.
- فيه واحد اسمه زعلان تزوج واحدة اسمها فرحانه خلفوا بنت سموها يا فرحة ما تمت.
- واحد ماشي في بيتهم خبط أمه قالتله مش شايفني قالها شفتك بس مش فاكر فين.
- واحد رخم قال لواحد ارخم منه الطماطم لما بتعطس بتقول ايه قال بتقول: كاتششششب.
- سألوا محشش لماذا سمت قناة السويس بهذا الاسم؟ رد وقال: لأنه السفن بتمشي بسويس بسويس.
- غبي مسكوه بيزور فلوس بيقول للضابط أموت واعرف عرفتوا أزاي؟ الضابط قاله هو في ورقة ب65 جنيه.
- سأل الأستاذ الطالب: ما هو الشي الذي لونه أسود وأصفر وينزل عسل؟؟ أجاب الطالب أتوبيس مدرسة البنات.
نكت مصرية جديدة
- واحد سنانه كلها طايره ما عدا الأنياب … قدم على وظيفة عينوه خرامة.
- مرة واحد بخيل أوي حب يدهن شقته دهن حيطة أبيض وكتب على باقي الحيطان (نفس اللون).
- مرة واحد غبي اشتغل سواق تكسي في الصين كل ما يوقف لواحد يقول له أنا قبل شوي نزلتك.
- ولد غبي جاله في الامتحان بتاع الكيمياء بيقول السؤال ايه الحاجه اللي مش بتذوب في المياه قاله السمكة.
- واحدة قالت لجوزها عايزين ندبح خروف بمناسبة 25 سنة على جوازنا قام قالها وايه ذنب الخروف في غلطة ارتكبها حمار.
- مرة ولد صغير بيقول لأمه الحامل: إنتي بتحبي أخويا اللي في بطنك؟؟ قالتله ايوه اكيد ياحبيبي قالها امال ليه بلعتيه؟؟
- مرة توك توك دخل محطة البنزين يمول فلقى مقطورة بتمول 200 لتر وميكروباص بيمول 50 لتر بص للراجل بكسوف وقاله امبووه.
- مرة واحد بخيل جداً خبط في حيطة اتعور جامد اوى وقعد ينزف شافه واحد عسكري قال له: اشوفلك دكتور قال له: لا شوفلس حد يشترى الدم اللي نازل ده.
- مرة واحدة ست بتقول لجوزها ليه مش بتعمل زي أستاذ سعيد جارنا كل يوم بيبوس مراته قبل ما يروح الشغل قام قال لها انا مستعد وماعنديش مانع بس تفتكري هي ترضى.
- مرة واحد ماشي مع خطيبته وآخر انسجام فقالها: عارفة ايه هو الحب وايه الجواز؟ قالتله: لا قالها: الحب زي النجوم الجميلة اللي في السماء قالتله: طب والجواز؟” قالها: دي البلاعة اللي واحنا بنبص على النجوم بنقع فيها.
شاهد أيضًا: نكت نمل وفيلة مضحكة جدًا
نكت مصرية سخيفة
- واحد بيقول لصاحبه عيب مراتك تحدفك بالشبشب واحنا قاعدين قاله بس بزمتك جه فيا.
- ندل واقف في ميكروباص ضحك لبنت ضحكتله غمزلها غمزتله شاورلها تنزل نزلت قعد هو مكانها.
- واحد اهبل مراته ولدت بعد شهر من الجواز سألوه ازاي؟؟؟؟؟؟ قال يانهار أسود على الحسد يا ناس.
- واحد بيقول لصاحبه احنا في الجنة هيجبولنا ستات اشطه قاله والستات بتوعنا قاله هيعذبوا بيهم الكفار.
- فرختين مشيين الأولى معلقة بيضة على رقبتها.. فالتانية بتسالها اية البيضة دي؟ قالت دي صورتي وانا صغيرة.
- مره واحد اهبل خطف واحده هبله وهما ماشين بالعربية قعدت تصرخ قالها هتسكتي ولا انزلك؟ قالت له خلاص هسكت.
- مرة 2 حشاشين قاعدين .. واحد بيقول للثاني: احنا داخلين على القرن 21 أنا خايف العيال يسقطوا ونعيد القرن العشرين تاني.
- واحدة عجوزة راحت الغابة فصادفت في طريقها أسد كبير قالت له وهي مرعوبة: أرجوك ماتكلنيش! فقال لها الأسد: اطمني ياختي .. الدكتور منعني من النواشف.
- كان في ثلاثة ركبوا الطائرة جت ليهم المضيفة قالت لهم: ماذا تريدون؟ قال الأول واحد عسل يا عسل قال الثاني واحد سكر يا سكر سمعهم الثالث وقال واحد حليب يا بقرة.
- واحد بخيل مات أبوه راح يعمل له نعي فى الجريدة فقال لهم ايه أقل مساحة عندكم؟ قالوا له: سطر واحد به خمس كلمات، قال لهم: اكتبوا: رزق ينعى أبوه: قالوا له لسه فاضل كلمتين. قال لهم: اكتبوا: وبيصلح تليفزيونات.
نكت مصرية قصيرة
- واحد رفع قضية وقعت عليه.
- قهوجي خلف ولد من غير وش.
- مرة واحد عداه العيب خد اللي بعده.
- خبير إنترنت خلف ولد سماه دوت كوم.
- دفتر بيتمشى في الشارع ليه؟ فاضي.
- طبيب تزوج طبيبه خلفوا عيل زي الحقنه.
- مره واحد رجع في كلامه راح خبط الي وراه.
- واحد جنايني اتجوز واحده مقطوعة من شجرة.
- مرة واحد راح الجهاديه طلع من الجهة التانيه.
- أستاذ في الهندسة خلف ولدين واستنتنج الثالث.
- واحد اتجوز واحدة اسمها نعمة باسها وش وضهر.
- مرة واحد كسلان اتجوز واحدة كسلانة كسلوا يخلفوا.
- مرة واحد قهوجي اشترى عربية طلع كراسيها بره ورش ميه.
- مره واحد خياط اشتغل سواق تاكسي بقى ينزل الزبائن ويركب زراير.
نكت مصرية طويلة
- مره واحد قال لمراته ايه رايك نعمل جمعية.. قالت: ازاي ؟؟ قل لها كل يوم ابوسك بوسه واديكي جنيه فوافقت.. فجه أخر الشهر لقي معاها تسعين جنيه فسألها: ايه الفلوس ديه ؟؟ فقلتله: اسكت مش أبو إبراهيم جارنا دخل معانا بنفرين.
- فلاح كل ما يحط حشيش للبقرة بتاكلو الفرخة.. قالها: شوفي يا زفتة لو أكلتي الحشيش مرة تانية هانتف ريشك وهحطك بالقفص؛ فهمتي.. راحت الفرخة واكلت الحشيش فنتف الفلاح ريشها وحبسها شافها الديك عريانة بالققص سألها: دعارة؟؟ ردت عليه: لأ، حشيش.
- واحد مسطول بيسأل واحد مسطول ثاني: اسم دولة أوروبية لو حطيت على أخر حرف فيها نقطة تبقى اسم عالم ذرة.. التاني قاله انا غلب حماري.. الأول قاله: الدولة هي قطر ولما تحط نقطة هتبقى قطز.. التاني قاله هو قطز عالم ذرة؟.. فرد عليه الأول يعني هي قطر دولة أوروبية؟
- زوجه خوافه قوي كل يوم وهيه نايمة جنب جوزها تقوله الحق يا عبده انا سامعه صوت في حرامي في البيت جوزها تعب قوي مش عارف ينام وكل يوم على كده قام قلها: يا ستي ماتخافيش الحرامي لما بيروح يسرق ما بيعملش صوت.. تاني يوم صحته من النوم الحق يا عبده انا مش سامعه صوت في حرامي في البيت.
- واحد بلدياتنا كان قائد في الجيش وقدامه أربع صفوف عساكر.. واحد من العساكر عطس.. القائد سأل أول صف مين اللس عطس محدش رد فتح عليهم النار قتلهم كلهم وبعدين سأل الصف التاني مين اللي عطس محدش رد.. راح فاتح النار عليهم.. وإدور على الصف التالت قام واحد خاف وقاله انا اللي عطست يا باشا… قاله القائد يرحمكم الله.
- واحد سمع عن النظارة اللي يلبسها يشوف الناس من غير هدوم باع كل املاكه وسافر يشتريها ورجع البلد لابس النظارة شايف الناس كلها من غير هدوم وراح البيت وفتح الباب لقى مراته واقفه مع واحد والاثنين من غير هدوم قلع النظارة بردو .. من غير هدوم لبس وقلع بردو من غير هدوم مراته طلعت تجرى عليه.. وبتقوله….. سامحنى.. راح ضربها بالرجل وقلها غوري خليني في النظارة اللي علقت دي.
نكت مصرية عن الصعايدة
- صعيدي لغى موعده مع الدكتور لأنه مريض.
- صعيدي حب يعمل ليلة حمرة ولع في الشقة النار.
- عشر صعايدة بيتعلموا ربط الكرافتة 6 ماتوا و 4 في حاله حرجه.
- صعيدي اشتري لابنه الة حاسبة وشال منها الصفر علشان مايتصلش دولي.
- صعيدى جاتله رساله حلوة قعد يضحك اتصل بالى بعتهاله وقاله والنبى ابعتها تاني.
- صعيدي دخل راسه في قفص الأسد الحارس قاله انت بتعمل ايه يا بويا قاله يا عم ما تخافش واحنا هناكله.
- صعيدي في فندق حب يدخل الحمام سأل واحده في ودنها التواليت منين؟ قالت له من الناحية التانية راح لودنها الثانيه وقال التواليت منين؟؟
- مرة ثلاته صعايدة راحوا محطه القطار لقوا القطر ماشي اثنين منهم طلعوا يجروا ورا القطر والتالت واقف يضحك عليهم، الناس سألوه بتضحك ليه.. قالهم: اصل انا اللي مسافر والاثنين التانين جايين يودعوني.
- صعيدي نزل مصر هو وابنه ومراته ابنه شاف الأتوبيس قال ابويا ايه ده قاله ابوه مخابرش شاف الميكروباص سأله ابويا ايه ده قاله مخابرش امه زعقت للواد وقالتله بطل دوشه شخط فيها جوزها وقال لها يا وليه سيبي الولد يتعلم.
- صعيدي اخد شهادة الدكتوراه قال لمراته والله ما خبرشي ليه الناس بيضحكوا عالصعايدة؟ اديني اخدت الدكتوراه ولسه بيضحكوا فقالت له مراته: دق عالخشب لا تصيبك عين قام دق عالخشب قالت: مين عالباب؟ قالها خليكي حشوف مين.
نكت مصرية عن المحششين
- محشش مسكته دوريه قالوا له اركب قال لا والله البيت قريب
- واحد محشش سأل بياع الخضار عندك فاصولية خضرا قاله لأ … قاله طب في ألوان إيه؟
- في واحد محشش فتح باب الثلاجة لقى الجيلي يهز قاله ماتخافش بلاش تترعش هاخد بيض.
- محشش سأل محشش: في رأيك عيد الفطر هيوافق يوم الخميس. فرد عليه: إذا ضغطنا عليه أكيد يوافق.
- محشش سأل صاحبه المحشش: إيه اخبار أبوك؟؟ بعدين أفتكر أن أبوه ميت فكمل بسرعة: لسا في نفس الطربة؟
نقترح عليك مشاهدة:
نكت مصرية عن المساطيل
- مسطول ماشي لقى واحدة ست بتتحرق قالها منورة يا حجة.
- مسطول دخل بقالة وخرج يضحك، سألوه بتضحك ليه قال لهم عطيته جنيه وما اشتريت شيء.
- واحد مسطول اشتغل سواق تاكسي، شاورتله واحده، وقف وسألها: رايحه فين؟ قالتله: المهندسين قالها: روحي بس ما تتأخريش.
- اثنين مساطيل بيتفرجو علي نشرة الأخبار فالأول بيقول للتاني هيه النشرة طولت أوي كده ليه، التاني قاللو أظاهر انها الحلقة الأخيرة.
كانت هذه أجمل نكت مصرية 2023 مضحكة جدًا والتي يمكن قولها في التجمعات أو إرسالها للأصدقاء والأقارب عبر وسائل التواصل الاجتماعي لنشر الابتسامة والفرح والسعادة عليهم، ونأمل أن نكون قد قدمنا لكم أفضل النكت المصرية.
