مسار إجباري

كلمات اغنية مساومات مسار إجباري مكتوبة

أول دكتور تطعيم إدالى مدالية هدية
علشان تشميرة كوم

وأنا كنت بساوم أمى
تدينى فلوس من جيبها لهدية عيد الأم

وساومت سلالم بيتنا
إن إنا مش هجرى عليها
وقصادها متتعبنيش

وساومت كتير دكتورى
علشان يكدب على والدى
ويقوله ابنك هيعيش

وساومت الموت على حاجة
مفيش داعى إني اذكرها
علشان مخلفش الوعد

وساومت الحب الأول
إن إنا مش هعرف غيرها
علشان نفضل مع بعض

وساومت الحزن بضحكة
وساومت الضحكة بوحدة
وساومت الوحدة بواحدة
وساومت الواحدة بشك

وكبرت شوية لقيتنى قضيت عمرى مساومات
علشان مهتم بحاجة بتضيع قدامها حاجات

وساومت فلاش الكاميرا
إن أنا هضحك ويطلع
الصورة بدون أحزان

ووعدت اللون الأسود
يفضل ديماً أقربلى
من زغللة الألوان

وساومت الذكريات
هفضل عايش جواها
وتعلمنى النسيان

وساومت أصحابى عليا
على قد ثقتهم فيا
هفضل نفس الانسان

فى مسافة ما بينى وما بينك
أنا مش ماشى فى شراينك
كان ممكن أساومك لكن
صورتى هتتهز فى عنيكى

وكبرت شوية ولقيتنى قضيت عمرى مساومات
علشان مهتم بحاجة بتضيع قدامها حاجات

غناء: مسار إجباري
كلمات: أحمد الراوي
ألحان: هاني الدقاق
توزيع: أمير هداية
ميكس وماستر: محمد صقر

مواضيع ذات صلة