كلمات اغنية متهمش مكتوبة وكاملة يغنيها الجوكر وهي اغنية راب مصري رائعة من أجمل الأغاني المصرية 2018، للاستماع إلى اغنية متهمش وتحميلها تجدوها على موقع آي تيونز او تطبيق أنغامي، نترككم مع أغنية متهمش مكتوبة نتمنى ان تنال إعجابكم.

كلمات اغنية متهمش

Met hamesh – El Joker

المنبه رن لكن الهدف من الصحيان سخيف
تكملة النوم مش إختيار المستقبل مخيف

مفيش جنب بترتاح عليه عشان سريرك حجر
مشيت ورا كل خيط وإنجازاتك رف بكر

حتى القهوة بتستناك تسرح للحظة عشان تفور
الطفل اللي خاف من الضلمة كبر بقى يخاف من النور

أول ما بتبقى إنفراد وباقي بس تشوط
بتبدأ تسأل نفسك عن حقيقة الوجود

الفرق بين العبقرية والجنون بهتان
أكيد النص الفاضي أنضف من نصي المليان

عشان فشلت في التعايش جيت جهنم الإنتقام
قسوة العلامة إنها بتمنع رحمة النسيان

خلي نصك يسأل نصك عاد علينا ايه من جريه
مادام بنعيش نفس النهاية في آخر السيناريو

وليه بنكون أشخاص مش احنا طول ما الضوء علينا
أدي تاني منبه رن لا مننا نمنا ولا صحينا

مفيش شىء متمش وكإن غيابك متمش
كل الناس جراحها لمت جرحك ليه ملمش
بعيد عشان متهمش ولا عشان بعيد متهمش
عنيك فضيت فضا جماد مكرهش ومحبش

مفيش شَيْء متمش وكإن غُيّابكِ متمش
كُلْ الناس جَرّاحها لَمُتتِ جَرَحَكَ لَيّهُ ملمش
بَعِيد عُشّانِ متهمش وَلا عُشّانِ بَعِيد متهمش
عنيك فَضَّيتِ فَضا جَماد مكرهش ومحبش

ولد صغير حلم كبير ولما كبر الحلم مات
عجيب ضعف البشر وعجيبة قوة الكلمات
كلنا أسباب ده صاب عشان ده خاب
بس طول ما البشر سلالم
إعرف إن اللي فوق كلاب

ملحقناش نشوف النور
وصلنا والشعاع مكسور
سيبنا الأرض لأجل بذور
رجعنا لقينا الأرض بور
والأوضاع متحسنتش
لكن مبقيتش صاحب قضية
مضيت على إن مستقبلي مش أحسن من ماضيا

أسيب الجامع أقلع القفطان ألبس قبطان
أسوق سفينة تغرق
أرقص رقصة القرصان

بطريقة غير مباشرة الدنيا قالتلي أقف بعيد
لما كل شىء قربت منه مات ببطئ شديد

هعمل ايه في قفص بجناح سؤال ايه اللي انا جوابه
تملي في إيدي في مفتاح معرفش بابه

مقدرش أختار ما بينكوا وأخسر نعمة المحايد
حب واحدة ميتنسيش بواحدة يتنسي بوحايد

مفيش شَيْء متمش وكإن غُيّابكِ متمش
كُلْ الناس جَرّاحها لَمُتتِ جَرَحَكَ لَيّهُ ملمش
بَعِيد عُشّانِ متهمش وَلا عُشّانِ بَعِيد متهمش
عنيك فَضَّيتِ فَضا جَماد مكرهش ومحبش

نفس المطعم والأوردر متخاطرش دقيقة
طعم الملل أحلى من خسارة جديدة
رص مزيد من لا شىء مزيج من الحمول عليك
بص عمرك من قدامنا عدى نسيك ده ولا ايه

بتعمل مش مهتم ولا مش مهتم فعلا
ضد أو مع الغريزة لما الموجة تعلى

الأقوى دايما صح والأضعف مقالش أشمعنى
مهو لو كل واحد طلب حقه الدنيا مش هتسيعنا

قريتنا وش فقر وناسها وش خوف وجهل
البنا ما بينهم صعب بس الهد بيهم سهل

متقولش زي العامة إن الفشل محتاج شماعة
نار القلق تحرق كيلو نيكوتين في ساعة

كل عيون كلاب حارتنا مفارقتكش لحظة
مخالش عليهم إنسحابك قبل كل رقصة

عيب المبدأ إنه فضحي والذكاء له ريحة
مهما دبحت نفسك مش هتبان دبيحة

مفيش شَيْء متمش وكإن غُيّابكِ متمش
كُلْ الناس جَرّاحها لَمُتتِ جَرَحَكَ لَيّهُ ملمش
بَعِيد عُشّانِ متهمش وَلا عُشّانِ بَعِيد متهمش
عنيك فَضَّيتِ فَضا جَماد مكرهش ومحبش

اغنية متهمش

غناء: الجوكر

مواضيع ذات صلة