مهرجان قصة الاخوات والورث
X

كلمات مهرجان قصة الاخوات والورث ابو الشوق مكتوب وكاملة

كلمات مهرجان قصة الاخوات والورث

اتنين وكانوا اجمل عشاق
في بعض ايديهم مفيش فراق
بس الزمن ده لف بيهم
والدنيا ديا دار ابتلاء

فضلوا لبعض طول العمر
ع الحلوة كمان وعلى المر
حياتهم كلها كانت سعادة
والاحزان فترة وهتمر

عدى على جوازهم سنين
خمس سنين ومخلفين

وجابوا ليهم احفاد كتير
بقوا مع بعض مكملين

يوم يلعب زمان لعبته
الاب تعب جاب اخرته
جتله جلطة جوة دماغه
راحت الذكرى نسى قصته

المرض دخل وهد جسمه
نسي عياله وحتى اسمه
شهرين قاعد ميتحركش
مش قادر حى يلبس لبسه

عياله قالوا احنا زهقنا
امتى يرتاح يفارقنا
الام تصرخ بتقولوا ايه
احنا اللي ربيناك وتعبنا

قالولها ياما تعبنا خلاص
كل وشرب نص الميراث
والاب حاسس بكل حاجة
كلامهم جارح زي الرصاص

كلامهم ليه ده كان سكينة
وهي عليه كانت حزينة
بس م شقادر يتكلم
الام تعمل ايه المسكينة

الام مش عايزاكم معاها
وربنا بس يتولاها
وهي ياعيني مكسورة عليه
ودموع عينيه دي مغرقاه

بصلهم الاب من سكات
قلبه بيصرخ من الاهات
المرض مكانش مأثر فيه
ده من الصدمة تعب ومات

الام فضلت تبكي عليه
تحضن فيه وتبوس ايديه
مشيت ليه رحت وسبتني
في الدنيا لوحدي هعمل ايه

وجريوا قوام عياله دفنوه
عملوا عزاه وكمان خدوه
وفينوا ياما باقي الميراث
بعد تلاتين يوم تاخدوه

الغضب كان كله عليهم
وزاد الطمع جوة عينهم
اصبروا بس 30 يوم
لما تيجي الفلوس هديكم

بس حد يقعد معايا يداوي الجرح اللي جوايا
على بعضهم بقوا يرموها
صرخت امشوا ارحموني كفاية

حفيد واحد فضل معاها
وقت الجرح ده كان دواها
وخاف عليها اكتر منهم

واللي ابنها ياعيني رماها
تبكي عايشة متحسرة
والنفس فيها متكسرة
راح اللي كنت عايشة عشانه
وعيالها مش متأثرة

قعدت تقول يارب خدني
ليه قطر الموت بيفوتني
تعبت عايزة اجيلك يارب
وبلاش تاني لعيالي تعودني

دخلت ونامت نومة طويلة
هتعمل ايه قليلة الحيلة
دخل حفيدها بيصحيها
وبتضحكله مرة أخيرة

قالها مالك ايه اللي جرالك
مش عايزة ليه يعرفوا اخبارك
قالتله يا ابني ميعادي جه
وفي حاجة لازم اقولهالك

مش عايزاهم يعرفوا حاجة
وكده انا ليهم مش محتاجة
واتكفل انت بكل الدفنة
وسبتلك فلوس بزيادة

طلعت روحها للي خالقها
حفيدها صرخ وقام حاضنها
والبسمة كانت باينة عليها
دي رايحة لجوزها اللي فارقها

ياناس ليه الشيطان عمانا
والشر دخل بقا جوانا
كل ده عشان الدنيا
مش هناخد حاجة معانا

حتى الاخوات عشان فلوس
على الوادين رجول تدوس
ركز يا ابني مالكش غيرهم
وفي بعدهم تعيش متعوس

مهرجان قصة الاخوات والورث

مواضيع ذات صلة

أضف تعليق

لن يتم نشر عنوان بريدك الإلكتروني.