بوستر مهرجان حب خاين

كلمات مهرجان حب خاين ابو الشوق مكتوب وكامل، مهرجان حب خاين من أشهر المهرجانات الجديدة الحزينة يحكي حكاية شاب عشق زميلة له في الجامعة وتركته وتزوجت وعندما اهانها زوجها طلبت الطلاق وذهبت إلى المحكمة تفاجأت ان حبيبها الذي تركته هو وكيل النيابة فشعرت بالندم وبكت، إليكم كلمات مهرجان حب خاين.

كلمات مهرجان حب خاين

شاب لسه في بداياته دخل حقوق وباجتهاده
داب في عشق زميلة ليه غيرتله مسار حياته

قالها رايدك في الحلال تكوني ليا ام العيال
قالت وانا كمان عاوزاك مستنياك لو بعدك طال

اسمعوا ايها الكرام بادلوا بعض حب وغرام
قالتله احنا كنا عاصين وطريقنا اخره حرام

هتجوز اللي يخبط بابي يجي يطلب ايدي من بابي
اصلها فترة وهشد حيلي اصلك لا يمكن تتسابي

وبعد فترة شغل ودراسة قالتله كلمة طلعت رصاصة
قالتله انا جايلي عريس جاهز وجايب من الخلاصة

والسكوت كان هو كلامه كابوس هيقتل كل احلامه
قالتله نصيحة ليك انساني وازاي هيسنى حبه وغرامه

قلبت حياته كلها دمار لاجل ينسى يسكر في بار
والغلبان هيشكي لمين وابتدى من التفكير ينهار

نزلت دموع بايده يمسحها وخد بعضه وراح فرحها
وشاف حبيبته جنب عريسها صرخ الاه محدش سمعها

بصت ليه بكل سذاجة مبقتش زمان مشتاقة
قامت ضحكت لعريسها وساعتها قرر يبقا حاجة

نفض لجرحه والخيانة كره الحياة كده بأمانة
وشد حيله وجاله واسطة اتخرج وبقا وكيل نيابة

جرحها ليه رده عريسها يضرب فيها ديماً حابسها
افترى عليها في المعاملة ودموع الندم في عنيها تحبسها

اشتاقت ليه ومن الفراق طلبت من جوزها الطلاق
ولما راحت المحكمة شوفوا يا ناس حكم الخلاق

دخلت مكتب النيابة وصورة للوكيل متسابة
لما شافتها خدت الصدمة عقلها افتكر كل حاجة

حست ساعتها بندم كبير وكيل النيابة دخل بأمين
اول ما شافها عقله هنج شاف في عنيها عذابه القديم

بص ليها وكان مذهول عاش سنين بعدها مقتول
قالها اتفضلي قولي مشاكلك فضلت تعيط مقدرتش تقول

كان ليا حبيب وكان امين بس الشيطان تقوله ايه
حبيت المال نسيت الحنين وجيت عليا يا زمان ليه

رد عليها بكل برود زمانه عايش مبسوط
على قلبه ابقي اقري الفاتحة ده كل ليلة كان بيموت

مهرجان حب خاين

غناء: ابو الشوق
كلمات: محمد الشاعر

مواضيع ذات صلة

أضف تعليق

لن يتم نشر عنوان بريدك الإلكتروني.