كلمات شيلة طال صبري فلاح المسردي 2019 مكتوبة وكاملة

طال صبري والشتا ليله طويل
وٱنتهيت وعادني في بدايته

الدقيقة فيه عن عشرين ليل
عند من شوفة حبيبه غايته

والوله ما يعرف الصبر الجميل
شف تقاسيم الحزن في مرايته

أحسب إن مافيه شي مستحيل
يمنع أحلام ألسنين الفايته

لينن شفت الصبر تأثيره قليل
لو مشى المشتاق تحت وصايته

ياظروف الوقت والوقت البخيل
الصبر لا طال ويش نهايته

حسبي الله فيكم ونعم الوكيل
خلو الولهان يرفع رايته

البطا عن شوفة الطرف الكحيل
شعرة في نون عينيي بايته

واللقا لحظه وأنا عابر سبيل
ما أغبط فيه الملك وحمايته

قالوا أصحاب الهوى خلك ثقيل
قلت هاتوا لي حديثه وايته

كيف يثقل عاشقن قلبه هبيل
ماهو بكيفه ولا بدرايته

ما وراكم غير قال وغير قيل
الله يهديكم وآنا بهدايته

اتركوني لو تشوفوني قتيل
كل قلب ورغبته وهوايته

ياحبيبي لك ورى قلبيي مقيل
بعد حفظ الله وبعد رعايته

والله إن مالك شريك ولا بديل
يا بدايه حبنا ونهايته

طال صبري والشتاء ليلة طويل
وٱنتهيت وعادني في بدايته بدايته

شيلة طال صبري

اداء: فلاح المسردي

مواضيع ذات صلة

أضف تعليق

لن يتم نشر عنوان بريدك الإلكتروني.