بوستر شيلة جرعة صبر

كلمات شيلة جرعة صبر ماجد خضير 2019 مكتوبة وكاملة

لاللي نهار الخميس اقفت وراها الرحال
عهدي بها يوم قفت مع صلاة العصر

راحت ماهو ودها المرواح بنت الرجال
لكن ظروف الليالي والقضاء والقدر

اخر ماباقي ف بالي دمعها يوم سال
يوم انها جت تودعني وداع القشر

سود الليالي طوت حلم قريب المنال
ماكان بيني وبينه غير حول الشبر

عهدي بحلو الليالي يوم عز الوصال
قدام للوصل تغتاله يدين الغدر

من يوم عني ما غابت والليالي طوال
عندي سنة من غروب الشمس لين الفجر

ماعاد فيني على طول الغياب احتمال
وإن طول اغيابها ، انا ترى في خطر

ودي بجرعة صبر لو هي بخشم الريال
يامسلمين احد يخبر من يبع الصبر

الشوق له في ضلوعي نار واله اشتعال
لو حط فوقه قدر يمكن يفوح القدر

للجادل اللي غلاها مكسب وراس مال
يسار صدري تمكن حبها واستقر

فتنة من الحسن وآية ف الحلا والجمال
فيها من الزين مايكفي جميع البشر

الوجه مثل القمر والعنق عنق الغزال
والعين عين المها والثغر موت حمر

والردف والخصر فيها للتناقض مثال
اللي عليها من آثار الغنا والفقر

واليا مشت مشيها كله غنج واختيال
تلفت الناس فيها كل ماجت تمر

فقدتها والغلا في داخلي لايزال
والله مانسى غلاها لو يطول الدهر

ابنتظرها ولو البعد والهجر طال
معها من اليوم لين اخر سنين العمر

شيلة جرعة صبر

أداء: ماجد خضير
كلمات: عمران الزراقي
هندسة: صروح الفن
تصميم: ناصر البقمي

مواضيع ذات صلة

أضف تعليق

لن يتم نشر عنوان بريدك الإلكتروني.