كلمات شيلة انتم تشوفونا فلاح المسردي مكتوبة وكاملة، نقدم لكم على موقعنا كلمات أجدد الشيلات الحصرية، طرح المنشد فلاح المسردي شيلة انتم تشوفونا 2019 وهي من ألحانه وكلمات نجم الأسلمي، إليكم كلمات شيلة انتم تشوفونا مكتوبة.

كلمات شيلة انتم تشوفونا

انتم تشوفونا بضيم وساكتين
واسكت وانا اسكت لاش علم ولا خبر

هذي سنة واصبر علينا وسنتين
واصبر علينا يوم واسبوع وشهر

انتم تشوفونا بضيم وساكتين
واسكت وانا اسكت لاش علم ولا خبر

هذي سنة واصبر علينا وسنتين
واصبر علينا يوم واسبوع وشهر

ليا نخيناكم ترونا ضايدزين
والله فلا جيناك باليوم العثر

ماعاد باقي عندنا غير اليقين
وسلوم أهلنا والكرامة والشعر

أما الصبر واحلامنا راحن طحين
صبر محرم ساردزينه من صفر

راحن على تسذب المنافق والذهين
اللي فعل واللي ترك واللي دمر

اللي ليا جيته بسط لك باليمين
شمس الضحى وبتسف يسرى كالقمر

عدك على الهداج ولا الرافدين
وان صملت على على عج الحفر

واليوم لو يصعب على بوح الكنين
يحدنا للمر شيء منه أمر

وأخيرك يا طير سلوى حاجتين
أما السنع ولا تسلفنا صبر

صابتني التخمة من العذر السمين
ماعاد في جوفي مكان للعذر

صرنا من أحداث الليالي ملكعين
ولا اول أجواد نجامل ونعذر

شرهين لكن نقتنع في كلمتين
ونصدق أن القدر يبقى بالصدر

الله يعين ايه ادري الله يعين
والله لا يتكلنا على زيد وعمر

حنا على رب البشر متوكلين
والسعي في أرض الله على كل البشر

ونورد الشرهات صوب الغانمين
اللي سمعنا عن علومه ونخبر

خطوة بلجن جربوها الطيبين
لا مرة ولا مرتين ولا عشر

وليا تبين موقف قاسي يبين
وياخذ شهاده حسن تدبير وشكر

نجي على الهقوات صوب الشامخين
اللي يعرفون الشموخ من الكبر

من الحيا والمرجله متجملين
ونفوسهم وبيوتهم ماهي قفر

يمديك عن وصف السنا في شارتين
عقب نباه اللي مثل قطف الزهر

لو راحت التندى يبي يندى الجبين
عن قولة عن واجب العاني قصر

أخذ على نفسي قبل وصله يمين
قدره يزود ولا ينقص لي قدر

شيلة انتم تشوفونا

كلمات: نجم الاسلمي
ألحان و أداء: فلاح المسردي

مواضيع ذات صلة

أضف تعليق

لن يتم نشر عنوان بريدك الإلكتروني.