إسماعيل مبارك

كلمات اغنية يا متسيد اسماعيل مبارك 2019 مكتوبة وكاملة

يا متسيد و متأكد و متفرد على جالك
ياكل الوقت مانت اللي يجي في نوبة ونوبة

لك اللهفة لك النظرة لك الإحساس وعذالك
يعف الطهر لا ينزل سوا في صدر محبوبة

أحبك غير عن كل الغرام اللي يجي بالك
غرامٍ مامشى غيرك خطاه وصرت مكتوبة

وأشوفك غير عن كل الوجيه اللي تهيالك
وعن من حاول يشابه حلاك وماني بصوبة

وأحسك غير وانت اللي على الإحساس بلحالك
تنافس نفسك بصدر تضيق بدونك رحوبة

وأضمك غير عن ضمة مولع لحظة وصالك
لأنك روحي وردت من النظرات منهوبه

يامتمكن ومتطمن ولا تسكن سوا ذالك
خفوق مانبض غيرك غرام فيه بعذوبة

لك الهقوة لك البكرة لك اللي ما تهيالك
من أحلام الغرام اللي قبل شوفتك مكذوبة

وتبين في السمى صورة تطل ولاحد طالك
وتجي في غفلتي ماكانت الجيات محسوبة

وفي عين الهوى تسري ويبدا فيه ترحالك
الين تعود في قلب عفى عن سابق ذنوبه

من غيرك ولو غيرك تمنى يوقف قبالك
أمانه لا تناظر من لبس ثوب ماهو ثوبه

أبشكر من خلق حسنك وخلاني على بالك
وجابك من رجا قلبٍ لقا بك كل مطلوبه

اغنية يا متسيد

غناء: إسماعيل مبارك
من ألبوم: عندي أحلى 2019
كلمات: سعود محمد العبدالله
الحان: سهم
توزيع: رأفت
مكس: جاسم محمد

مواضيع ذات صلة

أضف تعليق

لن يتم نشر عنوان بريدك الإلكتروني.